Повидон-йод 10% д/наруж применения 50 мл раствор
Тауарлардың көрінісі фотосуретте көрсетілгеннен өзгеше болуы мүмкін

Повидон-йод 10% д/наруж применения 50 мл раствор

543
Қолжетімділігі
Сатылымда бар
Үлгі
4870201590039
Елі
Казахстан
Өндіруші
Медоптик ТОО
  • Сипаттама
  • Дәріханалар

Сипаттама

Дәрілік препаратты медициналық

қолдану жөніндегі нұсқаулық (Қосымша парақ)

Саудалық атауы

Повидон - Йод

Халықаралық патенттелмеген атауы

Жоқ

Дәрілік түрі, дозасы

Сыртқа және жергілікті қолдануға арналған ерітінді, 30 мл, 50 мл, 100 мл, 1000 мл

Фармакотерапиялық тобы

Дерматология. Антисептиктер және дезинфекциялайтын заттар. Йодпрепараттары. Повидон –Йод

АТХ коды D08АG02

Қолданылуы

- хирургияда, травматологияда, комбустиологияда, стоматологияда жарақатинфекциясынемдеудежәне профилактикасында

- ауыз қуысы және жұтқыншақтың қабыну және инфекциялық ауруларында: ангина, фарингит, тонзиллофарингит, тонзиллит, глоссит, афта ауруларында ауызды және тамақты шаю үшін

- инвазивті зерттеулерде (пункция, биопсия, инъекция және т.б), хирургиялық операциялардың алдында тері және шырышты қабықты антисептикалық өңдеуде

- зондтар, катетерлер, дренаждар маңындағы теріні антисептикалық өңдеуде

- инфекция жұқтырған науқастарды күту кезіндегі қолды өңдеуде, медицина қызметкерлерінің, хирургтардың қолдарын операцияға дейін және одан кейін өңдеуде

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- йодқа немесе қосымша заттардың кез келгеніне аса жоғары сезімталдық

- қалқанша бездің гиперфункциясында

- жүрек қызметінің қалпына келмейтін жеткіліксіздігінде

- қалқанша безді емдеу кезінде радиоактивті йодты қолдануға дейінгі және одан кейінгі жай-күйі

- герпес тәрізді Дюринг дерматитінде

- жүктілік және емшек емізу кезеңі

- 6 жасқа дейінгі балаларға

Бауыр жеткіліксіздігі бар пациенттерге препаратты абайлап қолданады.

Қолдану кезінде қажетті сақтық шаралары

Ерітіндіні тікелей қолданар алдында сұйылту керек. Препаратты ыстық сумен сұйылтуға болмайды. Ерітіндіні дене температурасына дейін қысқа уақыт жылытуға болады.

Пациентті операция алдындағы дайындау кезінде науқастың астында артық ерітіндінің жиналмауын қадағалау қажет.Ерітіндімен ұзақ байланыс терінің тітіркенуін, ал сирек жағдайларда - тері тарапынан ауыр реакцияларды тудыруы мүмкін. Науқастың астында ерітіндінің жиналуы химиялық күюдітудыруы мүмкін.

Препараттың көзге түсуінен аулақ болу керек.

Басқа дәрілік препараттармен өзара әрекеттесуі

Жараларды өңдеуге арналған немесе антисептикалық препараттар сутегі асқын тотығымен Повидон-Йодты, сондай-ақ құрамында күміс және толуидин бар ферменттік препараттармен бірге қолданғанда олардың өзара әсер ету тиімділігі төмендеуіне әкеледі.

Сынаптың сілтілік йодидінің түзілуқаупі болғандықтан, Повидон-Йодты сынап препараттарымен бірге қолдануға болмайды.

Препарат ақуыздармен және қанықпаған органикалық кешендермен реакцияға түсуі мүмкін, сондықтан Повидон-Йодтың дозасын арттыру арқылы оның әсерін жақсартуға болады.

Литий препараттарын қабылдайтын пациенттерге ұзақ уақыт, әсіресе кең аумақты жерге қолдануға болмайды.

Повидон-Йодтың қолданылуы йодтың қалқанша безінде сіңірілуін төмендетуі мүмкін, бұл кейбір зерттеулер мен емшаралардың нәтижелеріне әсер етуі мүмкін (радиоактивті йодты қолданумен диагностикалық емшаралар, қалқанша безінің сцинтиграфиясы, ақуызбен байланысқан йодты анықтау), осыған байланысты қалқанша без ауруларын йод препараттарымен емдеуді жоспарлау мүмкін болмауы мүмкін. Повидон-Йодты қолдануды тоқтатқаннан кейін келесі сцинтиграфияны жүргізгенге дейін белгілі бір уақыт аралығын сақтау керек. Йодты ерітіндінің сіңуі қалқанша безінің функционалдық тестілерінің нәтижелерін өзгерте алады.

Повидон-Йодтың тотығу әсері әртүрлі диагностикалық тесттердің жалған оң нәтижелеріне әкелуі мүмкін (мысалы, толуидин мен гваяк шайырларын қолдану арқылы нәжіс пен несепте гемоглобин мен глюкозаны өлшеу).

Арнайы ескертулер

Препарат ларингит кезінде жедел түрде қажеттілік туған кезде ғана қолданылады.

Повидон-Йодтың тотықтырғыш қасиеті металдардың тотығуын тудыруы мүмкін, ал пластмасса және синтетикалық материалдар әдетте Повидон-Йодқа сезімтал емес. Кейбір жағдайларда түстің өзгеруі мүмкін, ол кейіннен өзінің қалпына келеді.

Текстильді және өзге материалдардан Повидон-Йод ерітіндісін жылы сумен сабындап оңай кетіруге болады. Кетпейтін дақтарды натрий тиосульфаты немесе аммиак ерітіндісімен өңдеу қажет.

Педиатрияда қолдану

6 жастан кіші балаларда қолдануға болмайды.

Жүктілік немесе лактация кезінде

Повидон-Йодты жүктілік және лактация кезеңінде пайдалануға болмайды.

Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Препаратты қолдану автокөлікті және қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Ерітіндіні тікелей қолданар алдында дайындау және мүмкіндігінше тезірек пайдалану керек.

Повидон-Йод ерітіндісі сыртқа және жергілікті қолдануға арналған, сұйылтылмаған түрде немесе 10% (1:10) немесе 1% (1:100) ерітінді ретінде сумен сұйылтылғаннан кейін дезинфекцияланатын аймаққа байланысты ерітіндіні қолдануға болады.

Операция алдындағы «дезинфекциялау ванналары» үшін 1% (1:100) Повидон-Йод ерітіндісі қолданылады. Дененің барлық беткейі 2 минуттық экспозициядан кейін 1% ерітіндімен біркелкі өңделуі тиіс, ерітіндіні жылы сумен жуып тастау керек.

Хирургиядағы қызметкерлердің қолдарын өңдеу үшін 5 мл ерітіндіні алақанмен шынтаққа дейін 5 минут бойы сүртеді, содан кейін мұқият шаяды; іс-шараны екі рет қайталайды.

Препаратты инъекцияға, қан алуға, биопсияға, қан құюға, инфузиялық емгедейін немесе зақымданбаған теріге кез келген басқа хирургиялық араласудың алдында теріде 1-2 минутқа қалдырыңыз.

Жараларды, күюлерді асептикалық өңдеу үшін, шырышты қабықтарды дезинфекциялау үшін, терінің бактериялық және зеңдік инфекцияларында Повидон-Йод 10% ерітіндісі қолданылады (1:10 сұйылтылған).

Ауыз және тамақты шаюға арналған сұйылтылған ерітіндінің дайындалуы: ½ немесе 1 шай қасық ерітіндіні 100 мл суда ерітеді (18°С шамасындай).

Ерітіндіні тікелей қолданар алдында дайындау және мүмкіндігінше тезірек пайдалану керек.

Енгізу әдісі және жолы

Повидон-Йод ерітіндісі сұйылтылған және сұйылтылмаған күйде сыртқа және жергілікті қолдануға арналған. Ерітінді ішке қабылдауға арналмаған!Повидон-Йод ерітіндісін қолданар алдында тікелей сұйылту керек. Дайын ерітіндіні сақтауға болмайды.

Қабылдау уақыты көрсетілген қолдану жиілігі

Қатысы жоқ

Емдеу ұзақтығы

Қатысы жоқ

Артық дозаланған жағдайда қолданылуы қажет шаралар

Жүйелі сіңуі болмағандықтан, сыртқа қолданған кезде артық дозалануы байқалған жоқ.

Дәрілік препараттың бір немесе бірнеше дозасын өткізіп алған кездегі қажетті шаралар

Қатысы жоқ

Тоқтату симптомдары қаупінің барын көрсету

Қатысы жоқ

Дәрілік препаратты қабылдамас бұрын, дәрілік препаратты қолдану тәсілін түсіндіру үшін медициналық қызметкерге кеңес алу үшін хабарласыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Сирек

- жоғары сезімталдық

- жанаспалы дерматит (эритема, терідегі шағын сулы бөртулер, қышыну сияқты симптомдармен)

- аппликация орнында қысқа мерзімдік күйдіру сезімі немесе ауыз қуысында құрғау сезімі

Өте сирек

- йодқа аллергиялық реакция (қышыну, гиперемия, есекжем)

- гипертиреоз (кейде тахикардия және мазасыздық сияқты симптомдармен қатар жүреді). Анамнезінде қалқанша без аурулары бар пациенттерде Повидон-Йодты елеулі мөлшерде қолданғаннан кейін (мысалы, терінің ауқымды беткейінде жаралар мен күюлерді өңдеу үшін Повидон-Йод ерітіндісін ұзақ қолданғаннан кейін).

- препаратты ұзақ уақыт қолдану йодизм құбылысын (ауыздан металл тату,

сілекей ағуы, көздің немесе көмейдің ісінуі және т.б.) тудыруы

мүмкін

Жиілігі белгісіз (қолда бар деректер негізінде анықтау мүмкін емес)

- тыныс алуды қиындатумен (анафилаксиялық реакция) немесе артериялық қан қысымын төмендетумен жүретін жайылған жедел тері реакциясы

- Повидон-Йод ерітіндісін ұзақ қолданған кезде йодтың біраз мөлшерінің сіңуіне байланысты, йодтың демеуші әсерінен соған бейім адамдарда гипертиреоздың дамуы

- күйік жараларды қарқынды түрде өңдеген кезде метаболизмдік ацидоздың немесе бүйрек функциясының бұзылысы бар тұлғаларда қан сарысуы осмолярлығының немесе электролитті теңгерімнің бұзылуы

- операцияға дайындық кезінде пациенттің астына артық ерітіндінің жиналуы салдарынан терінің химиялық күюі.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

100 мл препараттың құрамында

белсенді зат – 10,0 г повидон-йод

(1,0 г белсенді йодқа шаққанда)

қосымша зат: 100,0 мл- ге дейін тазартылған су бар

Сыртқы түрінің, иісінің, дәмінің сипаттамасы

Күңгірт-қоңыр түсті, йодтың әлсіз иісі бар тұтқыр сұйықтық. Сумен кез-келген қатынаста араласады.

Шығарылу түрі және қаптамасы

30 мл, 50 мл, 100 мл-ден полиэтиленді тығынмен бекітілген, ақ түсті полиэтиленнен жасалған құтыларда, тамызғы-құтыларда, құты-спрейлерде.

Құтыларға өздігінен желімделетін қағаз заттаңба жапсырады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге осындай картоннан жасалған төсемдері бар гофрланған картоннан немесе қораптық картоннан жасалған қорапшаға салынған.

1 л-ден пластамасса қақпақтармен бұрап жабылған полиэтиленнен жасалғанбөтелкелерде. Бөтелкелерге өздігінен желімделетін қағаз заттаңба жапсырады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«Медоптик» ЖШС, Қазақстан Республикасы

Алматы қ., Огарев к-сі 2 «б»

тел: 8 (727) 2320822, 2320823, 2320824

факс: 8 (727) 3832202

Е-mail: medoptik@medoptik.kz, www.medoptic.kz

Тіркеу куәлігінің ұстаушысы

«Медоптик» ЖШС, Қазақстан Республикасы

Алматы қ., Огарев к-сі 2 «б»

тел: 8 (727) 2320822, 2320823, 2320824

факс: 8 (727) 3832202

Е-mail: medoptik@medoptik.kz, www.medoptic.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері (телефон, факс, электронды пошта)

«Медоптик» ЖШС, Қазақстан Республикасы

Алматы қ., Огарев к-сі 2 «б»

тел: 8 (727) 2320822, 2320823, 2320824

факс: 8 (727) 3832202

Е-mail: medoptik@medoptik.kz, www.medoptic.kz.

Дәріханалар

Тауар артығымен бар
Тауар аз қалды
Аптека N46
г.Актау, 7 мкр, 12 дом, кв 100
Круглосуточно