Сипаттама
Дәрілік затты медициналық қолдану жөніндегі нұсқаулық
Постеризан®
Саудалық атауы
Постеризан®
Халықаралық патенттелмеген атауы
Жоқ
Дәрілік түрі
Ректальдік суппозиторийлер
Құрамы
Бір суппозиторийқұрамында
белсенді зат: 387.10 мг стандартталған бактериялар өсіндісінің суспензиясы (БӨС) (құрамында ең жоғарғы 6.6 мг сұйық фенолмен белсенділігі жойылған және консервацияланған 6.6 х 108 E.сoli бар)
қосымша заттар: қатты май, макроголглицеролгидроксистеарат.
Сипаттамасы
Фенолға тән иісі бар ақтан ақшыл-сары түске дейінгі біртекті суппозиторий.
Фармакотерапиялық тобы
Геморрой және анустағы сызаттарды емдеу үшін жергілікті қолдануға арналған дәрілер. Геморрой және анустағы сызаттарды емдеу үшін жергілікті қолдануға арналған басқа да дәрілер.
АТХ кодыС05AX
Фармакологиялық қасиеттері
Постеризанның белсенді ингредиенті – ішек таяқшасының белсенділігі жойылған бактериялары өсіндісінің суспензиясы (БӨС E.сoli)
Фармакокинетикасы
Ректальді қолданылғаннан кейін БӨС E.сoli ішектің шырышты қабығына жылдам сіңіріледі. Сіңірілу дәрежесін, БӨС E.сoli деңгейін және оның организмнен шығарылуын зерттеуді препаратты жергілікті қолдану арқылы жүргізу мүмкін емес. Алайда БӨС E.сoli иммуногендік ингредиенттерінің өтуі зертханалық жануарлар тік ішегінің шырышты қабығына жүргізілген иммуногистологиялық зерттеулер жүзінде анықталды.
Фармакодинамикасы
Теріге және шырышты қабыққа жаққанда БӨС E.сoli спецификалық және спецификалық емес иммундық механизмдерді көтермелейді.
Иммунитеттің Т-жүйесін көтермелейді, лейкоциттердің және ретикулоэндотелий жүйесі жасушаларының, спецификалық емес иммунитеттің гуморальді факторлар қатарының фагоцитарлық белсенділігін жоғарылатады. Әсер ету орынында антиденелердің түзілуін және жасуша қабықшаларының концентрацияланған полисахаридтерінің әрі әртүрлі, соның ішінде антибиотиктерге және басқа бактерияға қарсы дәрілерге төзімді штаммдардың ішек таяқшалары метаболиттерінің болуы есебінен тіндердің патогендік микрофлора ықпалына төзімділігін арттырады. Экссудацияны азайтады, қан тамырларының өткізгіштігі мен тонусын қалыптандырады, зақымдалған тіндердің регенерациясын көтермелейді.
Қолданылуы
- геморрой салдарынан анальді аймақта болатын анустың қышынуы, бөліністер және ашытуда
- анустық сызаттарда, экземада
Қолдану тәсілі және дозалары
Суппозиторийлер таңертең және кешке, сондай-ақ әрбір дефекациядан кейін қолданылады.
Жақпамай мен суппозиторийлерді біріктіріп пайдалануға болады.
Аурудың симптомдары басылғаннан кейін әсерді тұрақтандыру және қайталанулардың профилактикасы үшін емдеуді 2-3 апта бойы жалғастырады.
Жағымсыз әсерлері
Сирек
- терідегі аллергиялық реакциялар (мысалы, фенол консервантына)
Қолдануға болмайтын жағдайлар
- препарат компоненттерінің біріне аса жоғары сезімталдықта
Дәрілермен өзара әрекеттесулері
Сипатталмаған
Айрықша нұсқаулар
Педиатрияда қолданылуы
Балаларға арналған Постеризанның® тиімділігі мен қауіпсіздігі түбегейлі анықталмаған. Бактериялар өсіндісінің стандартталғансуспензиясының (БӨС E.сoli)компоненттері балаларға зор қауіп төндірмейді.
Жүктілік және лактация
Жүкті әйелдерде, сондай-ақ лактация кезеңінде қолдануға болады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Ықпалын тигізбейді
Артық дозалануы
Артық дозалану жағдайлары сипатталмаған.
Кездейсоқ ішу арқылы қабылдағанда (балалар) іштің ауыруы, жүрек айнуы болуы мүмкін.
Артық дозаланған жағдайда – – симптоматикалық емдеу.
Шығарылу түрі және қаптамасы
5 суппозиторийден алюминий фольгадан жасалған пішінді ұяшықты қаптамаға салынады.
2 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салады.
Сақтау шарттары
25°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Дәрігердің рецептісінсіз босатылады
Өндіруші
Др. Каде Фармацевтикалық фабрикасы ГмбХ,
Ригиштрассе, 2, 12277 Берлин, Германия
Тіркеу куәлігі иесінің атауы және елі
Др. Каде Фармацевтикалық фабрикасы ГмбХ, Берлин, Германия
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:
Қазақстан Республикасы Алматы қаласындағы «Х.Аббе Фарма ГмбХ»
(H.Abbe Pharma GmbH) Компаниясының өкілдігі
050002, Алматы қ, Жібек Жолы к-сі 64/47, 618 А кеңсе
Эл. пошта: info@abbe-pharma.kz
