Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Пантокальцин® 250 мг № 50 табл

4603
Қолжетімділігі
Сатылымда бар
Үлгі
4602193009448
Елі
Россия
Өндіруші
Валента Фармацевтика ОАО
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Пантокальцин®

Саудалық атауы

Пантокальцин®

Халықаралық патенттелмеген атауы

Гопантен қышқылы

Дәрілік түрі

Таблеткалар 250 мг

Құрамы

Бір таблетканың құрамында

белсенді зат - гопантен қышқылы 250 мг,

қосымша заттар: магний гидроксикарбонаты, кальций стеараты, тальк, картоп крахмалы

Сипаттамасы

Жалпақ цилиндр пішінді ойығы мен крест тәрізді сызығы бар, ақ түсті таблеткалар

Фармакотерапиялық тобы

Жүйке жүйесі. Психоаналептиктер. Зейін тапшылығы және аса жоғары белсенділік кезінде қолданылатын психостимуляторлар (ADHD -Attention deficit hyperactivity disorder) және ноотропты дәрілер. Басқа психостимуляциялаушы жәненоотропты дәрілер.

АТХ коды N06BX

Фармакологиялық қасиеттері

Фармакокинетикасы

Асқазан-ішек жолынан тез сіңеді. Қан плазмасындағы ең жоғарыконцентрациясына жету уақыты 1 сағатты құрайды. Ең көп концентрациясы бауырда, бүйректе, асқазан қабырғасында, теріде болады. Гематоэнцефалдық бөгет арқылы өтеді. Метаболизденбейді. Өзгермеген түрде 48 сағат ішінде (қабылданған дозаның 67,5%-ы – несеппен, 28,5%-ы – нәжіспен) шығарылады.

Фармакодинамикасы

Әсер ету ауқымы құрылымында гамма-аминмай қышқылының болуына байланысты.

Әсер ету механизмі пантокальциннің ГАМҚБ–рецептор-өзекті кешенінетікелей әсеріне байланысты. Нейрометаболизмдік, нейропротекторлық және нейротрофикалық қасиеттері бар. Мидың гипоксияға және уытты заттардың әсеріне төзімділігін арттырады, нейрондардағы анаболизмдік үдерістерді көтермелейді. Құрысуға қарсы әсері бар, бір мезгілде мінез-құлықтыреттей отырып, моторлы қозғыштықты азайтады. Ой және дене еңбегіне қабілеттілікті арттырады. Созылмалы алкогольді уыттану кезінде жәнекейіннен этанол қабылдауды тоқтатқанда гамма-аминмай қышқылы құрамының қалпына келуіне ықпал етеді. Ауыруды басатын әсері бар. Новокаин мен сульфаниламидтердің белсенділігін жою механизмдеріне қатысатын ацетилдендіру реакциясын тежеуге қабілетті, соның арқасында соңғыларының әсері ұзауына қол жеткізіледі. Патологиялық жоғарылаған қуықрефлексі мен детрузор тонусының тежелуін туындатады.

Қолданылуы

  • мидың органикалық зақымдануы мен невроздық бұзылулары кезіндегі когнитивті бұзылуларда
  • ми қантамырларының атеросклероздық өзгеруінен туындағанцереброваскулярлық жеткіліксіздігінде, сенильді деменцияда (бастапқы түрі), ересек және егде жастағы адамдардағы мидың резидуальді органикалықзақымдануларында кешенді ем құрамында
  • шизофрениясы бар науқастардағы церебральді органикалықжеткіліксіздікте (нейролептиктермен, антидепрессанттармен біріктірілімде)
  • жүйке жүйесінің тұқым қуалайтын аурулары бар (Гентингтон хореясы, гепатоцеребральді дистрофия, Паркинсон ауруы және т.б.) науқастарда экстрапирамидалық гиперкинездерде
  • өткерген нейроинфекцияларда және бассүйек-ми жарақаттарының салдарында (кешенді ем құрамында)
  • нейролептиктердің жағымсыз әсерін түзету үшін және бір мезгілде «қалқалау емі» ретінде аурудың профилактикасы мақсатында, экстрапирамидалы нейролептикалық синдромда (гиперкинетикалық және акинетикалық)
  • психикалық үдерістер баяулайтын эпилепсия ауруында (құрысуға қарсыпрепараттармен біріктірілімде)
  • психоэмоционалды жүктемелер, ой және дене еңбегіне қабілеттіліктің төмендеуі; зейін қою және есте сақтаудыжақсарту үшін
  • несеп шығарудың бұзылыстары: энурез, күндізгі несеп тоқтамауы, поллакиурия, императивті қысылулар
  • ақыл-есі кем балаларға (психикалық, сөйлеу, моторлық дамудың кідіруі немесе олардың бірігуі), балалардың церебральді салдануында, кекештенуде (негізінен клоникалық түрі), эпилепсияда (құрысуға қарсыпрепараттармен біріктірілген емнің құрамында, әсіресе полиморфты ұстамалар және кіші эпилепсия ұстамаларында).

Қолдану тәсілі және дозалары

Ішке, тамақтанудан соң 15-30 минуттан кейін.

Ересектер үшін бір реттік дозасы 0,5-1 г, балалар үшін 0,25-0,5 г; ересектер үшін тәуліктік дозасы - 1,5-3 г,балалар үшін 0,75-3 г. Емдеу ұзақтығы 1-ден 4 айға дейін, жекелеген жағдайларда – 6 айға дейін.

3-6 айдан кейін емдеу курсы қайталап жүргізілуі мүмкін.

Балаларға, ақыл-ой кемістігі кезінде:

4-6 реттен 3 ай бойы күніне - 0,5 г;

сөйлеу қызметінің дамуы кідірген кезде3-4 реттен 2-3 ай бойы күніне- 0,5 г.

Нейролептикалық синдром кезінде (нейролептикалық дәрілердің жағымсыз әсерін түзеткіш ретінде): ересектерге 0,5 – 1 г күніне 3 реттен, балаларға –0,25-0,5 г күніне 3-4 рет. Емдеу курсының ұзақтығы 1-3 ай.

Эпилепсия кезінде: балаларға 0,25–0,5 г күніне 3-4 рет,

ересектерге 0,5 — 1 г күніне 3-4 ретке дейін немесе 1 г 3 ретке дейін ұзақ уақыт бойы күнделікті (6 айға дейін).

Гиперкинездер кезінде (тартылуларда): балаларға 3-6 реттен 1-4 ай бойы күніне - 0,25–0,5 г, ересектерге күніне 1-5 ай бойы күнделікті - 1,5-3 г.

Несеп шығару бұзылыстарында: ересектерге 0,5-1 г күніне 2-3 рет (тәуліктік доза 2-3 г), балаларға 0,25-0,5 г (тәуліктік дозасы 25-50 мг/кг). Емдеу курсының ұзақтығы 2 аптадан 3 айға дейін (бұзылулардың айқындылығы мен емдік әсеріне байланысты).

Өткерген нейроинфекция және бассүйек-ми жарақаттарыныңсалдарында: күніне 3-4 рет 0,25 г-ден.

Жоғары жүктемелер мен астениялық жағдайларда жұмыс істеу қабілетін қалпына келтіру үшін: 0,25 г күніне 3 рет.

Жағымсыз әсерлері

Жағымсыз құбылыстар жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000 < 1/1000 дейін), өте сирек (< 1/10000).

Сирек

  • аллергиялық реакциялар болуы мүмкін: ринит, конъюнктивит, тері бөртпелері

Өте сирек

- ОЖЖ тарапынан бұзылулар (қатты қозу, ұйқының бұзылуы немесе ұйқышылдық, сылбырлық, мәңгіру, бас ауыруы, бас айналуы, бастың шыңылдауы)

Гопантен қышқылын қабылдау кейбір жағдайларда антагонисі гопантен қышқылы болып табылатын пантотен қышқылының тапшылығы салдарынан өліммен аяқталатын жедел бауыр энцефалопатиясын туындатуы мүмкін деген мәліметтер бар.

Қолдануға болмайтын жағдайлар

  • препараттың кез келген компонентіне аса жоғары сезімталдық
  • жедел бүйрек жеткіліксіздігі, жедел ауыр бүйрек аурулары
  • шеткері қан көрсеткіштерінің айқын өзгерулері
  • жүктілік және лактация кезеңі
  • 6 жасқа дейінгі балалар (осы дәрілік түрі үшін)

Дәрілермен өзара әрекеттесуі

Барбитураттың әсерін ұзартады; орталық жүйке жүйесін көтермелейтін препараттардың, құрысуға қарсы дәрілік заттардың, жергілікті анестетиктердің (прокаин) әсерін күшейтеді. Фенобарбиталдың, карбамазепиннің, психозға қарсы дәрілердің (нейролептиктердің) жағымсыз әсерлерін болдырмайды.

Глицинмен, ксидифонмен үйлестіру гопантен қышқылының әсерін күшейтеді.

Айрықша нұсқаулар

Ұзақ емдеген жағдайда басқа ноотропты және орталық жүйке жүйесінің қызметін көтермелейтін дәрілермен бір мезгілде тағайындау ұсынылмайды.

Жүктілік және лактация кезеңінде қолдану

Гопантен қышқылын жүктілік кезінде қолдану жөніндегі деректер жоқ, сондықтан препаратты жүктілік кезінде қолдануға болмайды.

Емшек емізу кезеңінде әйелдерге зерттеулер жүргізілмеген, сондықтан лактация кезеңінде препаратты қолдану қажет болғанда емшек емізуді тоқтатқан жөн.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Өткінші жағымсыз құбылыстардың (ұйқышылдық, бастың шыңылдауы) болуына байланысты емдеудің басында автокөлікті немесе қауіптілігі зор басқа да механизмдерді басқару кезінде сақ болған жөн.

Артық дозалануы

Симптомдары: жағымсыз әсерлерінің күшеюі.

Емі: белсендірілген көмір, асқазанды шаю, симптоматикалық ем.

Шығарылу түрі және қаптамасы

10 таблеткадан поливинилхлоридті үлбірден және баспалы лакталған алюминий фольгадан жасалған тесіктері бар пішінді ұяшықты қаптамада немесе пішінді ұяшықты қаптамада.

5 пішінді қаптама медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Валента Фарм» АҚ, Ресей Федерациясы

141101, Мәскеу облысы, Щелково қ., Фабричная к-сі, 2 үй.

Тіркеу куәлігінің ұстаушысы

«Валента Фарм» АҚ, Ресей Федерациясы

141101, Мәскеу облысы, Щелково қ., Фабричная к-сі, 2 үй.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Валента Азия» ЖШС Қазақстан Республикасы, 050009, Алматы қ., Абай к-сі, 151, «Алатау» бизнес орталығы, № 1102 кеңсе

Телефон/факс 8 (727) 334-15-51

Электронды пошта: asia@valentapharm.com

Дәріханалар

Тауар артығымен бар
Тауар аз қалды
Аптека N46
г.Актау, 7 мкр, 12 дом, кв 100
Круглосуточно
Аптека №188
г.Актау, 6 микрорайон, д.9/1
09:00-23:00
Аптека № 63, Актау, (поликлиника Нейрон)
г.Актау, 14мкр, д 26
Круглосуточно