Нормовен № 30 табл

Сипаттама

Дәрілік затты медициналық қолдану

жөніндегі нұсқаулық

НОРМОВЕН

Саудалық атауы

Нормовен

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған таблеткалар

Құрамы

Бір таблетканың құрамында

белсенді зат: 500 мг флавоноид фракциясы бар, ол мыналардан тұрады: 100 % затқа шаққанда 450 мг диосмин, 50 мг гесперидин,

қосымша заттар:

ядро - натрий крахмалы гликоляты (А типі), микрокристалды целлюлоза, гидроксипропилметилцеллюлоза, циклодекстрин, магний стеараты,

қабығы - үлбірмен қаптауға арналған Opadry II Yellow №33632563 қоспасы (гидроксипропилметилцеллюлоза, лактоза моногидраты, полиэтиленгликоль, триацетин, хинолинді сары (Е104), титанның қостотығы (Е171), индигокармин (Е132), күн батар түстес сары FCF (Е110)).

Сипаттамасы

Дөңгелек пішінді, екі беті дөңес, сарыдан қоңырлау-сары түске дейінгі үлбірлі қабықпен қапталған таблеткалар.

Фармакотерапиялық тобы

Ангиопротекторлар. Капиллярлар өткізгіштігін төмендететін препараттар. Бифлавоноидтар. Басқа препараттармен біріктірілген диосмин.

АТХ коды С05СА53

Фармакологиялық қасиеттері

Фармакодинамикасы

Нормовен венатонустық және ангиопротекторлық әсер береді, венаның тонусын жоғарылатады, веналардың созылғыштығы мен веностазды азайтады, микроциркуляцияны жақсартады, капиллярлардың өткізгіштігін азайтады және олардың резистенттілігін арттырады, лимфаның ағынын арттыра отырып, лимфалық дренажды жақсартады.

Сонымен қатар, дәрілік зат лейкоциттер мен эндотелийдің өзара әрекеттесуін, посткапиллярлық венулалардағы лейкоциттердің адгезиясын азайтады. Бұл қабыну медиаторларының веналар қабырғалары мен веналар клапандарыныңжармаларына зақымдағыш әсерін төмендетеді.

Фармакокинетикасы

Жартылай шығарылу кезеңі 11 сағат құрайды.

Препараттың белсенді затының шығарылуы негізінен ішек арқылы жүреді. Несеп арқылы қабылданған дозасынан орташа 14% шығарылады.

Қолданылуы

• веналимфалық жеткіліксіздікті (аяқтардағы ауырлық сезімі, ауыруы, ісінулері) симптоматикалық емдеуде
• геморройды симптоматикалық емдеуде

Қолдану тәсілі және дозалары

Ішу арқылы қолдануға арналған.

Ересектерге тағайындалады.

Веналимфалық жеткіліксіздікті емдеу (симптомдары: аяқтардың ісінуі, ауыруы, ауырлық сезімі, түнгі құрысулары, трофикалық ойық жаралары, лимфедема және т.б.)

Ұсынылатын дозасы тәулігіне 2 таблетканы құрайды: 1 таблетка – күндіз және 1 таблетка – кешке, тамақтану кезінде.

Жедел геморройды емдеу

4 күн бойы тәулігіне 6 таблеткадан, артынан келесі 3 күн бойы тәулігіне 4 таблеткадан. Ас ішу кезінде қолдану керек. Таблеткалардың тәуліктік мөлшерін 2-3 қабылдауға бөледі.

Емдеу курсы

Емдеу ұзақтығы қолданылу көрсетіліміне және аурудың ағымына байланысты.

Жағымсыз әсерлері

Жүйке жүйесі тарапынан: бас айналу, бас ауыру, дімкәстану.

Асқазан-ішек жүйесі тарапынан: диарея, диспепсия, жүрек айну, құсу; колит, іштің ауыруы.

Тері және теріасты шелі тарапынан: бөртпе, қышыну, есекжем; беттің, еріннің, қабақтың оқшау ісінуі. Бірен-саран жағдайларда - Квинке ісінуі.

Препараттың құрамында күн батар түстес сары FCF болуына байланысты, аллергиялық реакциялар болуы мүмкін.

Қолдануға болмайтын жағдайлар

- анамнездегі, препараттың кез келген компонентіне жоғары сезімталдық.

- балалар мен 18 жасқа дейінгі жасөспірімдерге

- лактация кезеңі

Дәрілермен өзара әрекеттесуі

Өзара әрекеттесулеріне қатысты зерттеулер жүргізілмеген. Басқа дәрілік заттармен өзара әрекеттесуі туралы әлі күнге дейін хабарланбаған (дәрілік затты тіркеуден кейінгі қолдану тәжірибесінің мол екенін ескерсек).

Айрықша нұсқаулар

Бұл дәрілік затты жедел геморой кезінде қолдану спецификалық емді алмастыра алмайды және басқа проктологиялық ауруларды емдеуге кедергі келтірмейді. Препаратты қысқа курспен тағайындайды. Егер, қысқа емдеу курсы ішінде симптомдары жылдам басылмаған жағдайда, проктологиялық тексеру жүргізу және емді қайта қарастыру керек.

Вена қан айналымының бұзылулары кезінде тиімдірек емдеу, емді өмір сүру салтына қатысты мынадай ұсынымдарды сақтаумен біріктіру арқылы қамтамасыз етіледі:

• күн көзінде ұзақ уақыт болмау, ұзақ уақыт бойы жүрмеу, артық дене салмағын қоспау керек;
• жаяу жүру және кей жағдайларда қанайналымды жақсартуға арналғанарнайы шұлықтарды кию керек.

Жүктілік және лактация кезеңі

Жүкті әйелдерге дәрілік затты сақтықпен қолдану керек. Қолданар алдында дәрігермен кеңесу керек.

Дәрілік заттың құрамына кіретін белсенді заттардың біріктірілімі тератогендік әсер бермейтіндігі белгілі; жағымсыз әсерлері туралы хабарланған жоқ.

Дәрілік заттың емшек сүтіне өтуіне қатысты деректер жоқ болғандықтан, дәрілік заттың бала емізу кезінде қолданылуын болдырмау керек.

Қолда бар деректер, егеуқұйрықтардың фертильділігіне белсенді заттарының әсері жоқтығын көрсетеді.

Балалар

Препараттың балаларға қолданылуына қатысты деректер жоқ.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік зат көлік құралдарын басқару және түрлі механизмдермен жұмыс жасау қабілетіне әсер етпейді. Препараттың жағымсыз әсерлерінің белгілері пайда болған жағдайда, сақтық таныту керек («Жағымсыз әсерлері» бөлімін қараңыз).

Артық дозалануы

Артық дозаланған жағдайлар туралы хабарланбаған.

Шығарылу түрі және қаптамасы

Түсті мөлдір емес боялған поливинилхлорид үлбірі мен баспалы лакталған алюминий фольгадан жасалған пішінді ұяшықты қаптамаға 10 таблеткадан салады.

Пішінді ұяшықты 3 немесе 6 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Түпнұсқалық қаптамада, 25 ^оС-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

2 жыл

Дәріханалардан босатылу шарттары

Рецептісіз

Өндіруші

«КИЕВ ДӘРУМЕНДЕР ЗАУЫТЫ» АҚ, Украина

04073, Киев қ-сы, Копыловская к-сі, 38

Тел.: (044) 461-03-08, факс: (044) 416-03-01; Web-сайт: www.vitamin.com.ua

Тіркеу куәлігінің ұстаушысы

«КИЕВДӘРУМЕНДЕР ЗАУЫТЫ» АҚ, Украина

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«КИЕВДӘРУМЕНДЕР ЗАУЫТЫ» АҚ өкілдігі

Мекенжайы: 050058, Қазақстан Республикасы: Алматы қ., Алмалы ауданы, Абай даңғылы, 109 В, 16А кеңсе

Тел.: +7 777 719 3775; е-mail: ossadchiy@mail.ru

Қалалар