Тауарлардың көрінісі фотосуретте көрсетілгеннен өзгеше болуы мүмкін

Корвалтаб №20, табл.

795
Қолжетімділігі
Сатылымда бар
Үлгі
4823045200305
Елі
Украина
Өндіруші
Фарма Старт ООО
  • Сипаттама
  • Дәріханалар

Сипаттама

Дәрілік препаратты медициналық

қолдану жөніндегі нұсқаулық (Қосымша парақ)

Саудалық атауы

Корвалтаб

Халықаралық патенттелмеген атауы

Жоқ

Дәрілік түрі, дозасы

Таблеткалар

Фармакотерапиялық тобы

Жүйке жүйесі. Психолептиктер. Ұйықтататын және тыштандыратын дәрілер. Басқа препараттармен біріктірілген барбитураттар.

АТХ коды N05CB02

Қолданылуы

ДП ересектерге 18 жастан бастап қолдануға арналған:

- қатты ашушаңдықпен невроздар;

- ұйқысыздық;

- гипертониялық ауру және вегетативті тамырлар дистониясының кешенді емінде;

- коронарлық тамырлардың айқын емес түйілулер, тахикардия;

- нейровегетативті бұзылыстарға байланысты ішек түйілулері (спазмолитикалық препарат ретінде).

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- әсер етуші затқа немесе қосымша заттардың кез келгеніне аса жоғары сезімталдық;

- бүйрек және бауыр функцияларының ауыр бұзылулары;

- бауыр порфириясы;

- жүктілік және емшек емізу кезеңі;

- жүректің ауыр жеткіліксіздігі;

- галактозаны тұқым қуалайтын көтере алмаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар тұлғаларға қолдануға болмайды

Құрамында фенобарбитал бар дәрілік заттар айқын артериялық гипотензия, жедел миокард инфарктісі, қант диабеті, депрессия, миастения, алкоголизм, есірткілік және дәріге тәуелділік, ентігумен респираторлық аурулар, обструктивті синдром кезінде қолдануға болмайды.

Қолдану кезінде қажетті сақтық шаралары

Қатысы жоқ.

Басқа дәрілік препараттармен өзара әрекеттесуі

Препаратты орталық жүйке жүйені басатын басқа дәрілік заттармен бір уақытта қабылдаған жағдайда әсердің өзара күшеюі мүмкін.

Препарат әсері вальпрой қышқылын, алкогольді қолдану кезінде күшейеді. Фенобарбитал бауыр ферменттерін индукциялайды, соған сәйкес бауыр ферменттерімен (тікелей емес антикоагулянттар, жүрек гликозидтері, микробқа қарсы, вирусқа қарсы, зеңге қарсы, эпилепсияға қарсы, құрысуға қарсы, психотропты, ішке қабылдайтын қантты түсіретін, гормонды, иммунсупресивті, цитостатикалық, аритмияға қарсы, гипертензияға қарсы дәрілік заттар және т.б. қоса) метаболизденетін кейбір дәрілік заттардың метаболизмін жылдамдатуы мүмкін.

Фенобарбитал анальгетиктердің және жергілікті анестетиктің әсерін күшейтеді.

МАО тежегіштері фенобарбитал әсерін ұзартады. Рифампицин фенобарбитал әсерін төмендетуі мүмкін.

Фенобарбиталды алтын препараттарымен бір уақытта қабылдаған кезде бүйректің зақымдану қаупі артады.

Фенобарбиталды қабынуға қарсы стероидты емес препараттармен бір уақытта ұзақ қабылдаған кезде асқазан ойық жарасы мен қан кету қаупі болады.

Зидовудинмен бір уақытта қолдану екі препараттың да уыттылығын күшейтеді.

Препарат метотрексаттың уыттылыған арттырады.

Арнайы ескертулер

Препаратпен емделу кезінде зейін қоюды, жылдам психикалық және қозғалыс реакцияларын қажет ететін қызметпен айналысу ұсынылмаған.

Препаратты қабылдау кезінде спиртті ішімдіктерді ішуден аулақ болған жөн. Дәрілік заттың құрамында фенобарбиталдың болуы Стивенс-Джонсон және Лайелл синдромының пайда болу қаупіне әкелуі мүмкін, бұл емнің алғашқы апталарында болуы мүмкін. Дәрі-дәрмектік тәуелділіктің даму қаупіне, организмде бромның жиналу және броммен уланудың даму мүмкіндігіне байланысты ұзақ уақыт қолдану ұсынылмаған. Препаратты қабылдағаннан кейін жүрек аймағындағы ауырулар қайтпаған жағдайда коронарлық синдром анықталу үшін дәрігерге барған жөн. Артериялық гипотензия, гиперкинез, гипертиреоз, бүйрек үсті безінің гипофункциясы, жедел және тұрақты ауыру, дәрілік заттармен жедел улану кезінде препаратты сақтықпен тағайындаған жөн.

Препарат құрамында лактоза бар, сондықтан лактоза-галактозаны тұқым қуалайтын көтере алмаушылығы бар пациенттерге Корвалтабты қолдану ұсынылмаған.

Педиатрияда қолданылуы

Балаларды емдеуге қолдану тәжірибесі жоқ, сондықтан препаратты педиатриялық тәжірибеде қолданбайды.

Жүктілік немесе лактация кезеңі

Препарат жүкті әйелдерге және емшек емізу кезеңінде тағайындалмайды.

Препараттың көлікті немесе қауіптілігі зор механизмдерді басқару қабілетіне ықпал ету ерекшеліктері

Корвалтаб ұйқышылдықты және бас айналуын туындатуы мүмкін, сондықтан емдеу кезеңінде қауіпті механизмдермен жұмыс жасау және көлік құралдарын басқару ұсынылмайды.

Қолдану жөніндегі нұсқаулар

Дозалау режимі

Ересектерге, әдетте, 1-2 таблетка препараттан тәулігіне 2-3 рет тамақтануға дейін тағайындайды. Тахикардия және коронарлық тамырлар түйілулері кезінде бір реттік доза 3 таблеткаға дейін арттырылуы мүмкін.

Емдеу курсының дозалануы мен ұзақтығын әрбір пациентке дәрігер жеке белгілейді.

Енгізу әдісі және жолы

Препарат пероральді қабылдауға арналған.

Артық дозаланған жағдайда қолдану қажет шаралар

Артық дозалану препаратты жиі немесе ұзақ қолданудан болуы мүмкін, ол оның құрамының жинақталуымен байланысты. Ұзақ және ұдайы қолдану тәуелділікке, абстинентті синдромға, психомоторлық қозуға әкелуі мүмкін.

Артық дозалану симптомдары: тыныс алудың, оның тоқтап қалуға дейін тарылуы; орталық жүйке жүйесінің, комаға дейін бәсеңдеуі; ырғақтың бұзылуын қоса жүрек-қантамырлары қызметінің бәсеңдеуі, коллаптоидтық жай-күйге дейін артериялық қысымның төмендеуі; жүрек айнуы, әлсіздік, дене температурасының төмендеуі, диурездің азаюы.

Емі: симптоматикалық.

Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қолдану керек шаралар

Жағымсыз әсерлер құбылыстарының жиілігін анықтау келесі критерийлерге сәйкес жүргізіледі: өте жиі (≥1/10), жиі (1/100 < 1/10 дейін), жиі емес (1/1000 <1/100 дейін), сирек (≥1/10000 <1/1000 дейін), өте сирек (<1/10000), белгісіз (қолда бар деректердің негізінде бағалау мүмкін емес)

Корвалтаб препаратты, әдетте, көтерімділігі жақсы.

Жекелеген жағдайларда келесі жиілікте жағымсыз әсерлер байқалуы мүмкін:

Белгісіз (қолда бар деректердің негізінде бағалау мүмкін емес)

- іштің қатуы, эпигастральді аймақта ауырлық сезімі, ұзақ уақыт қолданған жағдайда – бауыр функциясының бұзылуы, жүрек айну, құсу;

- әлсіздік, атаксия, қимыл-қозғалыс үйлесімінің бұзылуы, нистагм, елестеулер, парадоксалды қозу, зейін қою төмендеуі, шаршау, реакцияның тежелуі, бас ауыруы, когнитивті бұзылулар, сананың шатасуы, ұйқышылдық, жеңіл бас айналу;

- анемия, тромбоцитопения, агранулоцитоз;

- артериалық гипотензия, брадикардия;

- аса жоғары сезімталдық реакциялары, ангионевроздық ісіну, аллергиялық реакцияларды қоса (соның ішінде тері бөртпесі, қышыну, есекжем);

- Стивенс-Джонсон синдромы, уытты эпидермальді некролиз;

- құрамында фенобарбитал бар заттарды ұзақ уақыт қолдану кезінде остеогенездің бұзылу қаупі бар;

- тыныс алудың қиындауы.

Құрамында бром бар препараттарды ұзақ уақыт қабылдау броммен улануға әкелуі мүмкін, ол келесідей сипатталады: орталық жүйке жүйесінің басылуы, күйзелісті көңіл-күй, сананың шатасуы, атаксия, апатия, конъюнктивит, ринит, көз жасының ағуы, акне немесе пурпура.

Жағымсыз әсерлер пайда болған жағдайда, соның ішінде осы нұсқаулықта көрсетілмеген, дәрілік затты қабылдауды тоқтатып және дәрігерге барған жөн.

Көрсетілген құбылыстар дозаны төмендеткен немесе препаратты қабылдауды тоқтатқан кезде жоғалады.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса,дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық Орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында:

белсенді заттар: α-бромизовалериан қышқылының этил эфирі – 8,2 мг, фенобарбитал – 7,5 мг, жалбыз майы – 0,58 мг;

қосымша заттар: β-циклодекстрин, картоп крахмалы, лактоза моногидраты, микрокристалды целлюлоза, магний стеараты.

Сыртқы түрінің, иісінің, дәмінің сипаттамасы

Дөңгелек пішінді, беті тегіс, түсі ақ немесе ақ дерлік, теңбілдері, сызығы және өзіне тән иісі бар таблеткалар.

Шығарылу түрі және қаптамасы

10 таблеткадан қызғылт сары түсті поливинилхлорид үлбірден және баспалы лакталған алюминий фольгадан жасалған пішінді ұяшықты қаптамада.

2 немесе 10 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Сақтау шарттары

Түпнұсқалық қаптамасында 25 оС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз.

Өндіруші туралы мәлімет

«Фарма Старт» ЖШҚ,

Украина, Киев қ-сы, бул. В. Гавела, 8

Тел./факс: +38044 2812333

e-mail: office@phs.ua

Тіркеу куәлігінің ұстаушысы

«Асино Украина» ЖШҚ,

Украина, Киев қ-сы, бул. В. Гавела, 8

Тел./факс: +38044 2812333

e-mail: office@phs.ua

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Ацино Каз» ЖШС,

Қазақстан Республикасы, 050010, Алматы қ-сы, Бегалин к-сі, 136 А,

Телефон: 8 (717-2) 91-61-51

Факс: 8 (717-2) 91-61-51

е-mail: PV-KAZ@acino.swiss

Дәріханалар

Тауар артығымен бар
Тауар аз қалды
Аптека N46
г.Актау, 7 мкр, 12 дом, кв 100
Круглосуточно
Аптека № 63, Актау, (поликлиника Нейрон)
г.Актау, 14мкр, д 26
Круглосуточно