Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша парақ)
Саудалық атауы
Инвокана®
Халықаралық патенттелмеген атауы
Канаглифлозин
Дәрілік түрі, дозасы
Үлбірлі қабықпен қапталған 100 мг және 300 мг таблеткалар
Фармакотерапиялық тобы
Ас қорыту жолы және зат алмасу
Диабет кезінде қолданылатын дәрілік препараттар. Қандағы глюкоза деңгейін төмендететін препараттар, инсулиндерді қоспағанда. 2 типті глюкозаның натрийге тәуелді тасымалдағышының тежегіші. Канаглифлозин
АТХ коды А10ВК02
Қолданылуы
Инвокана® препаратының құрамынла белсенді зат - канаглифлозин бар, ол “Қандағы глюкоза деңгейін төмендететін препараттар”деп аталатын препараттар тобына жатады.
Инвокана® препараты ересектердегі 2 типті қант диабетін емдеу үшін қолданылады.
Бұл препарат қанттың несеппен бөлініп шығуын арттыру жолымен әсер етеді, ол қандағы қант мөшерін азайтады және жүрек ауруларының алдын алуға көмектесе алады.
Инвокана® препаратын бөлек немесе қандағы қант деңгейін төмендететінжәне Сіз 2 типті диабетті емдеуүшін пайдалануыңызға болатын басқа препараттармен (метформин, инсулин, ДПП-4 тежегіштері [ситаглиптин, саксаглиптин немесе линаглиптин сияқты], сульфонилмочевина препараттары [глимепирид немесе глипизид сияқты] немесе пиоглитазон сияқты) бірге қолдануға болады.
Сіз 2 типті қант диабетін емдеу үшін олардың біреуін немесе бірнешеуін қабылдап жүруіңіз мүмкін.
Сонымен қатар, дәрігер мен медбикенің диета және дене жаттығуларына қатыстыкеңестерін қатаң ұстану маңызды.
2 типті диабет дегеніміз не?
2 типті диабет - бұл организм инсулинді жеткілікті өндірмейтін, ал сіздің денеңіз бөлетін инсулин тиісінше қызмет атқармайтын жағдай. Сіздің денеңізде қант тым көп түзілуі мүмкін Ондай жағдай орын алған кезде, қанда қант (глюкоза) жинақталады. Бұл жүрек аурулары, бүйрек аурулары, соқырлық және ампутация сияқты ауыр ауруларға әкеп соқтыруы мүмкін.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Инвокана® препаратын қабылдамаңыз
- егер Сізде канаглифлозинге немесе осы препараттыңбасқа компоненттерінің («Дәрілік препараттың құрамы» бөлімінде атап келтірілген) кез келгеніне аллергия болса
Қолдану кезінде қажетті сақтық шаралары
Инвокана® препаратын қабылдар алдында және емдеу кезінде дәрігермен фармацевтпен немесе медбикемен мына жағдайларға қатыстысөйлесіңіз:
- Сіз сусыздануды болдырмау үшін не істей алатындығыңыз («Жағымсыз реакцияларының сипаттамасы» бөлімінен сусыздану белгілері туралы қараңыз)
- егер Сізде 1 типті диабет болса, Инвокана® препаратын
осы ауруды емдеу үшін пайдаланбау керек
- егер Сіз салмағыңыз күрт төмендесе, өзіңізді нашар сезінсеңіз немесе жүрек айнуын, іштің ауыруын, шамадан тыс шөлдеуді, жиі және терең тыныс алатыныңызды, сананың шатасуын, әдеттен тыс ұйқышылдық немесе шаршауды, ауыздан тәтті иіс, ауыздан тәтті немесе металл дәмі шыққаныннемесе несептің немесе тердің әдеттен тыс иісін байқасаңыз, дәрігермен сөйлесіңіз немесе дереу жақын жердегі ауруханаға жүгініңіз. Бұл симптомдар сирек, бірақ ауыр, кейде өмірге қауіп төндіретін құбылыс - "диабеттік кетоацидоздың" белгісі болуы мүмкін, ол талдау нәтижелеріне сәйкес, Сізде диабет кезінде несебіңіздегі немесе қаныңыздағы "кетон денелері" деңгейінің жоғарылауынан пайда болуы мүмкін. Диабеттік кетоацидоздың даму қаупі ұзақ уақыт ашығудың, алкогольді шамадан тыс тұтынудың, сусызданудың, инсулин дозасының кенеттен төмендетілуінің немесе ауқымды хирургиялық араласуға немесе ауыр ауруға байланысты инсулин қажеттілігі жоғарылауының салдарынан күшеюі мүмкін.
- егер Сізде диабеттік кетоацидоз (қандағы қант деңгейінің жоғарлауымен жүретін диабеттің асқынуы, тез салмақ жоғалту, жүрек айнуы немесе құсу) болса. Бұл жағдайда Инвокана® препаратын диабеттік кетоацидозды емдеу үшін пайдаланбау керек.
- егер Сізде бүйректің ауыр аурулары болса немесе диализ жүргізілетін болса.
- егер Сізде бауырдың ауыр аурулары болса.
- егер Сізде бұрындары жүректің ауыр ауруы болса немесе Сізде инсульт болған болса.
- егер Сіз артериялық қысымды төмендетуге арналған препараттарды (гипотензиялық препараттарды) қабылдап жүрсеңіз немесе бұрындары артериялық қысымыңыз төмен болған (гипотония) болса. Толығырақ ақпарат төменде «Басқа дәрілік заттармен өзара әрекеттесуі» бөлімінде келтірілген.
- егер Сізде аяқтың ампутациясы болса.
- аяғыңызды жүйелі түрде тексеріп отырудың және сіздің дәрігеріңіз ұсынған, аяққа күтім жасауға қатысты кез келген басқа кеңестерді ұстанудың және сусыздануға жол бермеудің маңызы бар. Егер сіз қандай-да бір жараны немесе түссізденуді байқасаңыз, немесе сіз ауырсынуды немесе аяғыңыздың ауырғанын сезінсеңіз, Сіз дереу дәрігерге хабарлауға тиіссіз. Кейбір зерттеулер канаглифлозинді қабылдау аяқтардың ампутациясы (негізінен аяқ башпайларының және аяқтың ортаңғы бөлігінің ампутациясы) қаупіне ықпал етуі мүмкін екендігін көрсетеді.
- егер Сізде келесі симптомдардың бірігуі пайда болса, дереу дәрігерге хабарласыңыз: ауыру, ауырсынумен жүретін сезімталдық, эритема немесе жыныс мүшелері немесе шаттың қызбамен немесе дімкәстанумен жүретін қызаруы немесе ісінуі. Бұл симптомдар шаттың некроздайтын фасцииті немесе Фурнье гангренасы деп аталатын сирек, бірақ ауыр немесе тіпті өмірге қауіп төндіретін инфекцияның белгісі болуы мүмкін. Фурнье гангренасы дереу емделуі тиіс.
- егер Сізде тітіркену, қышыну, әдеттен тыс бөліністер немесе иіс шығуы сияқты гениталийдің ашытқылық инфекциясының белгілері болса.
Егер жоғарыда аталғандардың қандай-да біреуі Сізге қатысты болса (немесе Сіз сенімді болмасаңыз), Инвокана®препаратын қолданғанға дейін өз дәрігеріңізге, фармацевтке немесе медбикеге жүгініңіз.
Басқа дәрілік препараттармен өзара әрекеттесуі
Егер Сіз басқа дәрілік препараттарды қабылдап жүрсеңіз, аз уақыт бұрын қабылдаған болсаңыз немесе қабылдауыңыз мүмкін болса, өз дәрігеріңізге немесе фармацевтке айтыңыз. Өйткені бұл препарат кейбір басқа препараттардың әсеріне ықпал етуі мүмкін. Бұдан өзге, кейбір басқа препараттар осы препараттың әсеріне ықпал етуі мүмкін.
Атап айтқанда, егер сіз келесі препараттардың кез келгенін қабылдап жүрсеңіз, өз дәрігеріңізге хабарлаңыз:
- диабетке қарсы басқа препараттар - инсулин немесе сульфонилмочевина препараттары (мысалы, глимепирид немесе глипизид), Сіздің дәрігеріңіз қаныңыздағы қант деңгейінің тым төмендеп кетуін (гипогликемия) болдырмау үшін дозасын азайтуы мүмкін
- диуретиктерді (организмнен артық суды шығару үшін қолданылатын, сондай-ақ, несеп айдайтын таблеткалар ретінде белгілі препараттар) қоса, артериялық қысымды төмендету үшін қолданылатын препараттар (гипертензияға қарсы дәрілер), өйткені бұл препараттар ағзадан артық суды шығара отырып, сіздің қан қысымыңызды төмендетуі мүмкін. Сіздің организміңізден сұйықтықтың тым көп мөлшерде жоғалтылуының ықтимал белгілері «Жағымсыз реакцияларының сипаттамасы» бөлімінің жоғарғы жағында атап келтірілген.
- шайқурай (депрессияны емдеуге арналған өсімдік тектес препарат)
- карбамазепин, фенитоин немесе фенобарбитал (құрысуларды бақылау үшін қолданылатын препараттар)
- эфавиренз немесе ритонавир (АИТВ инфекциясын емдеу үшін қолданылатынпрепараттар)
- рифампицин (туберкулезді емдеу үшін қолданылатын антибиотик)
- холестирамин (қандағы холестерин деңгейін төмендету үшін қолданылатын препарат). «Қолдану жөніндегі нұсқаулар» бөлімін қараңыз.
- дигоксин немесе дигитоксин (жүректің кейбір аурулары кезінде қолданылатын препараттар). Егер Инвокана®препаратымен бірге қабылдасаңыз, сіздің қаныңыздағы дигоксин немесе дигитоксин деңгейін тексеру қажет болуы мүмкін.
- дабигатран (қанды сұйылтатын, тромбылардың түзілуі қаупін төмендететінпрепарат)
Арнайы ескертулер
Бүйрек функциясы
Сіздің бүйрегіңіз сіз препаратты қабылдауды бастағанға дейін және сіз осы препаратты қабылдап жүрген кез бойына қан талдауы арқылы тексеріліп отырады.
Несептегі глюкоза
Осы препараттың әсер ету механизміне байланысты, сіз осы препаратты қабылдап жүрген кез бойына сіздің несебіңіз қантқа (глюкозаға) оң нәтиже беретін болады.
Инвокана® препаратының құрамында лактоза бар
Егер Сіздің дәрігеріңіз сізде кейбір қанттардың жақпаушылығы бар екендігін айтса, бұл препаратты қабылдамас бұрын дәрігерге хабарласыңыз.
Инвокана® препаратының құрамында натрий бар
Инвокана® препаратының құрамында бір таблеткасында 1 ммольден аз натрий (23 мг) бар, яғни, іс жүзінде «натрийсіз».
Педиатрияда қолданылуы
Инвокана® препараты 18 жасқа толмаған балалар мен жасөспірімдер үшін ұсынылмайды.
Жүктілік немесе лактация кезінде
Егер Сіз жүкті болсаңыз немесе емшек емізіп жүрсеңіз, Сіз жүктімін деп ойласаңыз немесе балалы болуды жоспарлап жүрсеңіз, Инвокана® препаратын қабылдамас бұрын немесе қабылдауды жалғастырмас бұрын, Өз дәрігеріңіздің немесе фармацевттің кеңесіне жүгініңіз. Инвокана® препаратын жүктілік кезінде қолданбау керек. Инвокана® препаратын қабылдауды тоқтатудың ең жақсы тәсілі және Сіз жүкті екенін білгеннен кейін, қандағы қант деңгейін бақылау туралы өз дәрігеріңізбен сөйлесіңіз.
Егер сіз емшек емізетін болсаңыз, Сіз бұл препаратты қабылдауға тиіссіз. Осы препаратты қабылдауды тоқтату немесе емшек емізуді тоқтату туралы өз дәрігеріңізбен сөйлесіңіз.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Инвокана® препараты көлік құралын басқару, велосипедпен жүру және механизмдерді басқару қабілетіне әсер етпейді немесе болар-болмас әсер етеді. Алайда, сіздің автокөлікті, велосипедті басқару немесе басқа механизмдерді басқару қабілетіңізге әсер етуі мүмкін бас айналуы немесе естен тану алдындағы жағдайлар хабарланған.
Инвокана® препаратын сульфонилмочевина препараттары (мысалы, глимепирид немесе глипизид) немесе инсулин сияқты диабетті емдеуге арналған басқа препараттармен қабылдағанда, қандағы қант деңгейінің төмендеуі (гипогликемия) қаупі артуы мүмкін. Белгілеріне бұлыңғыр көру, еріннің шаншуы, дірілдеу, тершеңдік, бозару, көңіл-күйдің өзгеруі немесе мазасыздық немесе сананың шатасуы кіреді. Бұл сіздің көлік құралын басқару, велосипедпен жүру және механизмдерді басқару қабілетіңізге әсер етуі мүмкін. Егер сіз қандағы қант деңгейі төмендеуінің қандай-да бір белгілерін сезінсеңіз, өз дәрігеріңізге мүмкіндігінше тезірек хабарлаңыз.
Қолдану жөніндегі нұсқаулар
Бұл препаратты әрдайым Сізге Өз дәрігеріңіз немесе фармацевт айтқандай дәлдікпен қабылдаңыз. Егер Сіз сенімсіз болсаңыз, дәрігермен немесе фармацевтпен кеңесіңіз.
Инвокана® препаратының бастапқы дозасы күніне 100 мг бір таблетканы құрайды. Сіздің дәрігеріңіз дозасын 300 мг дейін арттыру керек-керек еместігін шешеді.
Егер сізде бүйрек аурулары бар болса, Сіздің дәрігеріңіз сіздегі дозаны 100 мг дейін шектеуі мүмкін.
Сіздің дәрігеріңіз препараттың тек Сізге қолайлы дозасын тағайындайды.
Енгізу әдісі және жолы
Таблеткаларды жарты стақан сумен толықтай жұтып жіберу керек.
Қабылдау уақыты көрсетілген қолдану жиілігі
Сіздің таблетканы тамақпен бірге және онсыз да қабылдауыңызға болады. Таблетканы алғашқы ас ішкенге дейін қабылдаған дұрыс.
Таблетканы күн сайын белгілі бір уақытта қабылдауға тырысыңыз. Бұл сізге таблетканы қабылдау керектігін еске түсіруге көмектеседі
Егер сіздің дәрігеріңіз канаглифлозинді холестирамин (холестерин деңгейін төмендетуге арналған препарат) сияқты өт қышқылдарының кез келген секвестрантымен бірге жазып берсе, онда канаглифлозинді өт қышқылдарының секвестранттарын қолданғанға дейін кемінде бір сағат бұрын немесе қолданғаннан кейін 4-6 сағаттан соң қабылдау керек.
Сіздің дәрігеріңіз Инвокана® препаратын глюкоза деңгейін төмендететін басқа дәрілік затпен бірге тағайындауы мүмкін.
Сіздің денсаулығыңыз үшін ең жақсы нәтижелерге қол жеткізу үшін, барлық препараттарды дәрігердің нұсқауларына сәйкес қабылдауды ұмытпаңыз.
Диета және дене жаттығулары
Өзіңіздегі диабетті бақылауда ұстау үшін, сізге дәрігердің, фармацевттің немесе медбикенің диета және дене жаттығуларына қатысты кеңестерін басшылыққа алу керек. Атап айтқанда, егер сіз диабет кезінде салмағыңызды бақылауда ұстау үшін диета сақтасаңыз, осы препаратты қабылдап жүрген кезіңіңізде диета ұстауды жалғастыра беріңіз.
Артық дозаланған жағдайда қолдану қажет шаралар
Егер сіз препараттың көп мөлшерін қабылдап қойсаңыз, дереу дәрігерге хабарласыңыз.
Дәрілік препараттың бір немесе бірнеше дозасын жіберіп алғанда қажетті шаралар
Егер сіз дозасын қабылдауды ұмытып кетсеңіз, оны есіңізге түскен бойда қабылдаңыз. Алайда, егер келесі дозасын қабылдау уақыты басталып кетсе, жіберіп алған дозаны қабылдамай өткізіп жіберіңіз. Ұмытылып қалған дозасының орнын толтыру үшін екі есе дозасын (бір күнде екі дозасын) қабылдамаңыз.
Тоқтату симптомдары қаупінің бар екендігі жөніндегі нұсқау
Егер сіз Инвокана® препаратын қабылдауды тоқтатсаңыз, онда қандағы қант деңгейі жоғарылауы мүмкін. Бұл препаратты қабылдауды,
бірінші кезекте дәрігермен кеңесіп алмай тұрып тоқтатпаңыз
Егер сізде осы препаратты қолдануға қатысты қандай-да бір қосымша сұрақтарыңыз болса, өз дәрігеріңізге, фармацевтке немесе медбикеге жүгініңіз.
ДП стандартты қолдану кезінде көрініс табатын Жағымсыз реакциялардың сипаттамасы және осы жағдайда қабылдануы керек шаралар (қажет болса)
Басқа дәрілер сияқты, бұл препарат жағымсыз әсерлерді туғызуы мүмкін, бірақ барлық пациенттерде емес. Инвокана® препаратын қабылдауды тоқтатыңыз және егер сізде келесі ауыр жағымсыз әсерлердің кез келгені бар болса, дәрігерге барынша тезірек жүгініңіз:
Егер сізде келесі жағымсыз әсерлердің қандай-да біреуі бар болса, өз дәрігеріңізге мүмкіндігінше тезірек айтыңыз:
Өте жиі
- қандағы қант деңгейінің төмендеуі (гипогликемия) - осы препаратты инсулинмен немесе сульфонилмочевина препараттарымен (глимепирид немесе глипизид сияқты) қабылдағанда.
Қандағы қант деңгейі төмендеуінің ықтимал белгілері:
- бұлыңғыр көру
- еріннің шаншуы
- дірілдеу, тершеңдік, бозару
- көңіл-күйдің өзгеруі немесе мазасыздық сезімі немесе сананың
шатасуы
Сіздің дәрігеріңіз Сізге қандағы қант деңгейінің төмендеуін қалай емдеу керектігін және егер сізде жоғарыдағы белгілердің қандай-да біреуі болса не істеу керектігін айтып береді.
- қынаптың зеңдік инфекциясы
Жиі
- жыныс мүшесінің немесе шеткі дененің бөртпесі немесе қызаруы (зең инфекциясы)
- несеп шығару жолдарының инфекциялары
- несеп шығарудың бұзылулары (несеп шығарудың жиілеуін немесе несеп шығарудың ұлғаюын, шұғыл несеп шығаруды, түнде несеп шығаруға қысылуларды қоса)
- іш қатуы
- шөлдеу сезімі
- жүрек айнуы
- қан талдаулары қандағы май деңгейінің (холестерин) өзгерістерін және сіздіңқаныңызда қанның қызыл жасушалары (гематокрит) мөлшерінің жоғарылауын көрсетуі мүмкін
Жиі емес
- денеңізденсұйықтықтың тым көп жоғалтылуы (сусыздану). Бұл көбінесе егде жастағы (75 жас шамасындағы және одан үлкен) адамдарда, бүйрек аурулары бар адамдарда және несеп айдайтын таблеткаларды (диуретиктерді) қабылдап жүрген адамдарда кездеседі.
Сусызданудың ықтимал белгілері:
- бас айналу сезімі немесе бас айналуы
- естен тану, соның ішінде сіз орныңыздан тұрған кезде, немесе бас айналуы
- ауыздың қатты құрғауы немесе ауыз қуысының жабысуы, шамадан тыс шөлдеу
- әлсіздік немесе шаршау сезімі
- несептің аз мөлшерде шығарылуы немесе несептің болмауы
- жүрек соғуының жиілеуі
- бөртпе немесе қызару - бұл қышыну болуы мүмкін және соққыдан болған, ішінде сұйықтық немесе көпіршіктер бар ісінулерболуы мүмкін
- есекжем
- қан талдаулары бүйрек функциясына байланысты өзгерістерді (креатинин немесе мочевина деңгейінің жоғарылауы) немесе калий мөлшерінің жоғарылауын көрсетуі мүмкін
- қан талдаулары қандағы фосфаттар деңгейінің жоғарылауын көрсетуі мүмкін
- сүйек сынуы
- бүйрек функциясының бұзылуы (негізінен, денеңізденсұйықтықтың тым көп жоғалтылуы салдарынан).
- әсіресе, егер сізде жүрек ауруларының қаупі жоғары болса, аяқтардың (негізінен, аяқ башпайларының) ампутациясы
- фимоз - жыныс мүшесі ұшының айналасындағы шеткі дененің тарылуы.
Сирек
- айқын аллергиялық реакция
Ауыр аллергиялық реакцияның ықтимал белгілері келесілерді қамтуы мүмкін:
- беттің, еріннің, ауыздың, тілдің немесе тамақтың ісінуі, ол тыныстың тарылуына немесе жұтынудың қиындауына алып келуі мүмкін.
- диабеттік кетоацидоз
Бұл диабеттік кетоацидоздың белгілері («Қолдануды бастағанға дейін қажетті мәліметтер тізбесі» бөлімін қараңыз):
- несептегі немесе қандағы "кетон денелері" деңгейінің жоғарылауы
- салмақты тез жоғалту
- нашар көңіл-күй немесе жүрек айнуы
- іштің ауыруы
- шамадан тыс шөлдеу
- жиі және терең тыныс алу
- сананың шатасуы
- әдеттен тыс ұйқышылдық немесе шаршау
- ауыздан тәттілеу иіс шығуы, ауыздың тәтті немесе темір татуы
немесе несеп пен тердің әдеттегіден тыс иісі
Бұл қандағы глюкоза деңгейіне байланыссыз орын алуы мүмкін. Дәрігер Инвокана®препаратымен емдеуді уақытша немесе мүлдем тоқтату туралы шешім қабылдауы мүмкін.
Белгісіз
- шаттың некроздайтын фасцииті немесе Фурнье гангренасы, гениталийдің жұмсақ тіндерінің ауыр инфекциясы.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
«Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Белсенді зат - 100 мг канаглифлозинге баламалы 102 мг канаглифлозин гемигидраты немесе 300 мг канаглифлозинге баламалы 306 мг канаглифлозин гемигидраты.
Қосымша заттар (ядросы): микрокристалды целлюлоза, сусыз лактоза, натрий кроскармеллозасы, гидроксипропилцеллюлоза, магний стеараты.
Қосымша заттар (қабығы): Opadry II 85F92209 сары: ішінара гидролизденген поливинил спирті, титанның қостотығы (Е171), макрогол/полиэтиленгликоль 3350, тальк, темірдің сары тотығы (Е172) (100 мг дозасы үшін).
Opadry II 85F18422 ақ: ішінара гидролизденген поливинил спирті, титанның қостотығы (Е171), макрогол/полиэтиленгликоль 3350, тальк (300 мг дозасы үшін).
Сыртқы түрінің, иісінің, дәмінің сипаттамасы
Сары түсті үлбірлі қабықпен қапталған, капсула тәрізді пішінді, бір жағында «CFZ» және екінші жағында «100» өрнегі бар таблеткалар (100 мг дозасы үшін).
Ақтан ақ дерлік түске дейінгі үлбірлі қабықпен қапталған, капсула тәрізді пішінді, бір жағында «CFZ» және екінші жағында «300» өрнегі бар таблеткалар (300 мг дозасы үшін).
10 таблеткадан поливинилхлорид үлбір мен алюминий фольгадан жасалған пішінді ұяшықты қаптамаға салынған.
3 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынады.
Сақтау мерзімі
Жарамдылық мерзімі өткеннен кейін қолдануға болмайды!
Сақтау шарттары
30°С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәлімет
Янссен-Силаг С.п.А.
Виа С. Янссен, Борго Сан Мишель, 04100 Латина, Италия
(Janssen-Cilag S. p. A., Via C. Janssen, 04100 Borgo San Michele, Latina, Italy)
Тел.: (495) 755-83-57; факс: (495) 755-83-58
е-mail: DrugSafetyRU@ITS.JNJ.com
Тіркеу куәлігінің ұстаушысы
«Джонсон & Джонсон» ЖШҚ
Ресей, 121614, Мәскеу қ., Крылатская к-сі, 17/2
Тел.: (495) 755-83-57; факс: (495) 755-83-58
е-mail: DrugSafetyRU@ITS.JNJ.com
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
Қазақстан Республикасы
«Джонсон & Джонсон» ЖШҚ Қазақстан Республикасындағы Филиалы
050040, Алматы қ.,
Тимирязев к-сі, 42, № 23 «А» павильоны
Тел.: +7 (727) 356 88 11
Факс: +7 (727) 356 88 13
Электронды пошта: DrugSafetyKZ@its.jnj.com