Тауарлардың көрінісі фотосуретте көрсетілгеннен өзгеше болуы мүмкін

Дермазол шампунь 2% 50 мл

2658
Қолжетімділігі
Сатылымда бар
Үлгі
8906002053179
Елі
Индия
Өндіруші
Кусум Хелтхер
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

ДЕРМАЗОЛ®

Саудалық атауы

ДЕРМАЗОЛ®

Халықаралық патенттелмеген атауы

Кетоконазол

Дәрілік түрі

Сусабын 2%

Құрамы

1 мл сусабын құрамында

белсенді зат - 20 мг кетоконазол,

қосымша заттар: натрий лаурил эфир сульфаты, кокодиэтаноламид, пропиленгликоль, динатрий монолаурил эфир сульфосукцинаты, макрогол 120 метилглюкоза диолеаты, концентрацияланған хлорлы сутек қышқылы, натрий хлориді, натрий гидроксиді, бутилгидрокситолуол, имидомочевина, Понсо 4R (Е124), СК D00923 хош иістендіргіші, тазартылған су.

Сипаттамасы

Өзіне тән иісі бар қызғылт түсті мөлдір, тұтқыр сұйықтық.

Фармакотерапиялық тобы

Дерматология. Тері ауруларын емдеуге арналған зеңге қарсы препараттар. Жергілікті қолдануға арналған зеңге қарсы препараттар.

Имидазол және триазол туындылары. Кетоконазол.

АТХ кодыD01А С08

Фармакологиялық қасиеттері

Фармакокинетикасы

Кетоконазолды сыртқа қолданғанда тері арқылы аздап сіңеді. Препараттың жүйелік әсері жоқ. Ұзақ уақыт қолдану шаш кератинінде кетоконазолдың орташа жинақталып қалуына әкеледі.

Фармакодинамикасы

ДЕРМАЗОЛ® сусабыны – сыртқы қолдануға арналған зеңге қарсы құрал, имидазолдиоксолан туындысы. Зең эргостеролдарының синтезін тежейді. Дерматофитке қатысты белсенді: Trichophyton spp., Microsporum spp., Epidermophyton floccosum және: Candida spp., Malassezia furfur (Pityrosporum ovale) сияқты ашытқы.

Фармакологиялық қасиеттері ланостеролдың зең жарғақшасының негізгі құрылымдық компоненті - эргостеролға айналуын катализдейтін Р450-14α деметилазаға тәуелді цитохромды тежеу жолымен зеңдердің жасушалық жарғақшаларын зақымдау қабілетіне негізделген.

Қолданылуы

- бастың шашты бөлігіндегі терінің зең ауруларын (қайызғақты, себореялық дерматитті) емдеуде және профилактикасында

- кебек тәрізді теміреткіде

Қолдану тәсілі және дозалары

Сусабынды бастың шашты бөлігіне жағып, 3-5 минтутқа қалдырады, содан кейін сумен жуып-шаяды. Себореялық дерматитті емдеу үшін сусабынды 2-4 апта бойы тәулігіне 2 рет қолданады. Кебек тәрізді теміреткіде сусабынды тәулігіне 1 рет қолданады, емдеу курсы 5 күнді құрайды.

Кебек тәрізді теміреткінің профилактикасы үшін сусабынды 3 күн бойы тәулігіне 1 рет (жаз айының басында бір курс) қолданады; себореялық дерматитте және қайызғақта – 2 аптада 1 рет.

Жағымсыз әсерлері

Жиі емес (≥1/1000 <1/100 дейін)

- фолликулит

- жас ағуының артуы

- алопеция, терінің құрғауы, шаш текстурасының бұзылуы, бөртпе, теріні ашытуын сезіну

- эритема, тітіркену, қолдану орнындағы қышыну

Сирек (≥1 / 10000 <1/1000 дейін)

- аса жоғары сезімталдық

- дисгевзия

- көздің тітіркенуі

- акне, жанаспалы дерматит, терінің зақымдануы, қабыршақтануы

- аса жоғары сезімталдық, қолдану орнындағы пустулалар

Жиілігі анықталмаған

- ангионевроздық ісіну, есекжем, шаш түсінің өзгеруі

Қолдануға болмайтын жағдайлар

- препараттың кез келген компонентіне жоғарғы сезімталдық

Дәрілермен өзара әрекеттесуі

Өзара әрекеттесуіне зерттеу жүргізілмеген.

Айрықша нұсқаулар

ДЕРМАЗОЛ® тек сыртқа қолдануға арналған. Препарат жергілікті тері реакцияларын (жанаспалы дерматиттер) туындатуы, көзді және шырышты қабықтарды тітіркендіруі мүмкін. Сусабынды көзге тигізіп алмаған жөн. Көзге тиген жағдайда, сумен жуу керек.

Педиатрияда қолданылуы

Препарат мүлдем сіңбейтіндіктен, ДЕРМАЗОЛ® сусабыны дәрігердің нұсқауымен балалардағы себореялық дерматитті, атопиялық дерматитті емдеу үшін қолданылуы мүмкін.

Жүктілік және лактация кезеңі

Препарат мүлдем сіңбейтіндіктен, ДЕРМАЗОЛ® сусабыны бала емізу және жүктілік кезеңінде қолданылуы мүмкін.

Дәрілік заттардың көлік құралдарын немесе қауіптілігі механизмдерді басқару қабілетіне әсер ету ерекшеліктері

Әсер етпейді

Артық дозалануы

Препарат тек сыртқа қолдануға арналған, артық дозалану симптомдарының пайда болу ықтималдылығы аз.

Кездейсоқ ішке қабылдағанда симптоматикалық және демеуші ем тағайындау керек. Аспирацияны болдырмау үшін құстыртуға немесе асқазанды шаюға тыйым салынады.

Шығарылу түрі және қаптамасы

Полиэтиленнен жасалған саше-пакеттерге 8 мл-ден құйылған.

20 саше-пакеттен медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

50 мл немесе 100 мл препараттан бұралатын ак полипропилен қақпағы бар тығыздығы жоғары полиэтилен құтыларға құйылған.

1 құты медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецептісіз

Өндіруші

Кусум Хелткер Пвт. Лтд.,

СП 289 (А), Риико Индл. Ареа Чопанки, Бхивади (Радж.), Үндістан

Тіркеу куәлігінің ұстаушысы

Кусум Хелткер Пвт. Лтд., Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«Дәрі-Фарм (Қазақстан)», Алматы қ., Достық даңғ., 117/6, «Хан Тәңірі» БО

Телефон/факс: 8(727) 295-26-50

E-mail: claims@kusum.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Дәрі-Фарм (Қазақстан)», Алматы қ., Достық даңғ., 117/6, «Хан Тәңірі» БО

Телефон/факс: 8(727) 295-26-50

Электронды пошта: phv@kusum.kz

Дәріханалар

Тауар артығымен бар
Тауар аз қалды
Аптека № 63, Актау, (поликлиника Нейрон)
г.Актау, 14мкр, д 26
Круглосуточно
Аптека N46
г.Актау, 7 мкр, 12 дом, кв 100
Круглосуточно
Аптека №199
г.Актау, 29 микрорайон, здание 212/1
Круглосуточно