Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
БЕКЛАЗОН ЭКО ЛЕГКОЕ ДЫХАНИЕ
Саудалық атауы
Беклазон Эко Лёгкое Дыхание
Халықаралық патенттелмеген атауы
Беклометазон
Дәрілік түрі
Дозаланған ингаляцияға арналған аэрозоль тыныс алу арқылы белсенділендірілген, 100 мкг/ доза және 250 мкг/ доза
Құрамы
Бір дозаның құрамында
белсенді зат: – 100 мкг, 250 мкг сусыз беклометазон дипропионаты
қосымша заттар: норфлуран (гидрофторалкан 134а), сусыз этанол
99.5 %
Сипаттамасы
Алюминий баллонда қысыммен тұрған ингаляцияға арналған аэрозоль. Сыртқы бүлінген жерлері, сызаттары, коррозиясы немесе ағып тұруы болмауы тиіс.
Баллон ішіндегі зат шыныға бүріккенде ақ түсті дақ қалдырады.
Фармакотерапиялық тобы
Респираторлық жүйе ауруларын емдеуге арналған препараттар. Тыныс жолдарының обструкциялық ауруларын емдеуге арналған басқа да препараттар. Тыныс жолдарының обструкциялық ауруларын емдеуге арналған басқа ингаляциялық препараттар. Глюкокортикостероидтар. Беклометазон
АТХ кодыR03ВА01
Фармакологиялық қасиеттері
Фармакокинетикасы
Ингаляцияланатын препарат дозасының 25%-дан астамы тыныс жолдарына шөгеді; қалған мөлшері ауызға, жұтқыншаққа шөгеді және жұтылады. Өкпеде сіңірілу алдында беклометазон дипропионаты Б-17-МП белсенді метаболитіне дейін қарқынды метаболизденеді. Б-17-МП жүйелі сіңірілуі өкпеде (өкпе фракциясынан 36%), асқазан-ішек жолында (дозаны жұтқанда осында түсетін мөлшерінен 26%) жүреді. Өзгермеген беклометазон дипропионаты мен Б-17-МП абсолютті биожетімділігіингаляциялық дозаның, тиісінше, 2% және 62% жуығын құрайды. Беклометазон дипропионаты тез сіңеді, қан плазмасында ең жоғарыконцентрациясына (Тmах) жету уақыты – 0,3 сағат. Б-17-МП баяулау сіңеді, Тmах 1 сағат құрайды.Препараттың ингаляцияланған дозасы мен жүйелі экспозициясының артуы арасында шамамен дозаға тәуелділік білінеді.
Тіндерде таралуы беклазон дипропионаты үшін
Беклометазон дипропионаты және Б-17-МП плазмалық клиренсі жоғары (тиісінше, 150 л/сағат және 120 л/сағат). Жартылай шығарылу кезеңі, тиісінше, 0,5 сағат және 2,7 сағат.
Фармакодинамикасы
Бекламетазон дипропионаты ізашар дәрі болып табылады және ГКС-рецепторларға әлсіз үйлесімділігі бар. Эстеразалар әсерімен ол қабынуғақарсы айқын жергілікті әсер көрсететін белсенді метаболит – бекламетазон-17-монопропионатқа (Б-17-МП) айналады. Хемтаксис субстанциясы түзілуін төмендету есебінен қабынуды азайтады («кешеуілді» аллергиялық реакцияға ықпалы), аллергиялық реакцияның «дереу» дамуын тежейді (арахидон қышқылы метаболиттері өнімініңтежелуі және толық жасушалардан қабыну медиаторларының босап шығуының төмендеуі себебінен) және мукоцилиарлы тасымалды жақсартады. Беклометазон әсерінен бронх шырышты қабығында жуан жасушалар мөлшері төмендейді, эпителий ісінуі, бронх бездерімен шырыш секрециялануы, бронхтардың аса жоғары қайта белсенділенуі, нейтрофилдердің шетке жиналуы, қабыну экссудаты және лимфокиндер өндірілуі азаяды, макрофагтар көшуі тежеледі, сүзілу және түйіршіктелу үдерістерінің қарқыны төмендейді. Белсенді бета-адренорецепторлар саны көбейеді, науқастың бронходилататорларға реакциясын қалыпқа келтіреді, оларды қолдану жиілігін азайтуға мүмкіндік береді. Ингаляциялық енгізуден кейін сіңірілу әсерін мүлде көрсетпейді.
Бронх түйілуі басылмайды, емдік әсері біртіндеп, әдетте беклометазон дипропионатын 5-7 күн курстық қолданудан кейін дамиды.
Қолданылуы
- ересектерде және 7-ден 12 жасқа дейінгі балаларда бронх демікпесінің жеңіл, орташа және ауыр түрлерін профилактикалық емдеу
- Беклазон Эко Легкое Дыхание 250 мкг/доза ингаляторы бронходилататорлардың ең жоғары демеуші дозаларында және беклометазонның аз дозаларында демікпенің бақылануы жеткіліксіз болған жағдайларда беклометазонның жоғарырақ дозалары қажет болатын демікпесі бар ересек пациенттерге арналған.
Қолдану тәсілі және дозалары
Осы препарат тек ингаляциялық енгізуге арналған. Тиімді емделу үшін препаратты жүйелі қолдану керек. Беклометазон дипропионатының бастапқы дозасы аурудың түрін және ауырлығын ескерумен таңдалады.
100 мкг/доза үшін:
Ересектер:
Аурудың ауырлығына қарай, препарат дозасы күніне екі рет 50 мкг-ден күніне екі рет 500 мкг дейін (ең жоғары тәуліктік доза – 1000 мкг) құрауы мүмкін.
Демеуші доза, әдетте, күніне бірнеше қабылдауға 200-400 мкг құрайды. Қажет болса, бірнеше қабылдауларға бөлінген күніне 1000 мкг дейін аса жоғары дозаларын қолдануға болады.
Балалар (7-12 жас)
Аурудың ауырлығына қарай, препарат дозасы күніне екі рет 50 мкг-ден күніне екі рет 100 мкг дейін (ең жоғары тәуліктік доза – 200 мкг) құрауы мүмкін.
Егер демікпе симптомдары тиісті бақыланатын күйде қалса, дозаны бақылауды қолдау мақсатында ең төмен тиімді дозасына дейін біртіндеп азайтуға болады.
Емдеуден болатын емдік әсері бірнеше күн өткенде басталып, 2-3 аптадан соң жоғары шегіне жетеді.
Пациентті басқа ингалятордан Беклазон Эко Легкое дыханиеге ауыстырғанда бұрынғы дозалануын сақтау немесе, қажет болса, препаратты жеке талаптарға сәйкес титрлеу керек.
Осы ингаляторды оңтайландырғышпен немесе онсыз қолдануға болады.
250 мкг/доза:
Демікпе симптомдарының бақылануы сақталатын ең төмен дозасын таңдау керек.
Ересектер
Пациентте демікпенің ауырлығына қарай, препарат дозасы күніне екі рет 50 мкг-ден күніне екі рет 500 мкг дейін (ең жоғары тәуліктік доза – 1000 мкг) құрауы мүмкін. Демеуші доза, әдетте, күніне бірнеше қабылдауға 200- 400 мкг құрайды. Қажет болса, бірнеше қабылдауларға бөлінген күніне 1000 мкг дейін аса жоғары дозаларын қолдануға болады.
Егер демікпе симптомдары тиісті бақыланатын күйде қалса, симптомдарды бақылау мақсатында ең төмен тиімді дозасына дейін біртіндеп азайтуға болады.
Емдеуден болатын емдік әсері бірнеше күн өткенде басталып, 2-3 аптадан соң жоғары шегіне жетеді.
Пациентті басқа ингалятордан Беклазон Эко Легкое дыханиеге ауыстырғанда бұрынғы дозалануын сақтау және, қажет болса, препаратты жеке талаптарға сәйкес титрлеу керек.
Осы ингаляторды оңтайландырғышпен немесе онсыз қолдануға болады.
Жағымсыз әсерлері
Жиілігін бағалау: өте жиі = 10%, жиі = 1% < 10% дейін, жиі емес = 0,1%< 1% дейін, сирек = 0,01 % < 0,1% дейін, өте сирек <0,01%, белгісіз (қолда бар деректер негізінде бағалауға келмейді).
Жиі (>1/100 және <1/10)
- ауыз қуысы және жұтқыншақ кандидозы, қарлығып қалу және жұтқыншақтың тітіркенуі
Сирек (>1/10,000 және <1/1000)
- аллергиялық реакциялар: көз, жұтқыншақ, ерін және беттіңангионевроздық ісінуі, парадоксальді бронх түйілуі
Өте сирек (< 1/10,000, жекелеген хабарламаларды қоса)
- бүйрек үсті бездері функциясының бәсеңдеуі (жүйелі әсер), катаракта, глаукома (жүйелі әсер), есекжем, бөртпе, қышыну, эритема, сүйек тіні минералды тығыздығының төмендеуі (жүйелі әсер), балалар мен ересектердегі өсу кідірісі
Белгісіз
- анық көрмеу, психомоторлық аса жоғары белсенділік, ұйқының бұзылуы, үрейлену, депрессия, агрессия, мінез-құлықтың өзгеруі.
Қолдануға болмайтын жағдайлар
- препараттың кез келген компонентіне жоғары сезімталдық
- 7 жасқа дейінгі балаларға
Дәрілермен өзара әрекеттесуі
Бір мезгілде барбитураттар, фенитоин немесе рифампицин қабылдау ішуге арналған кортикостероидтардың метаболизмін күшейтіп, әсерін азайтуы мүмкін. Ішуге арналған кортикостероидтарды қабылдау аясында антикоагулянттарға реакция төмендеп, ал кейбір жағдайларда күшеюі мүмкін. Ішуге арналған кортикостероидтарды немесе калий жинақтамайтын диуретиктерді, мысалы, тиазидтер немесе фуросемидті бір мезгілде қабылдау шектен тыс калий жоғалтуды туындатуы мүмкін. Ингаляцияланған беклометазон дипропионатының басқа дәрілік препараттармен белгілі өзара әрекеттесуі хабарланбаған.
Беклометазон, басқа кортикостероидтарға қарағанда, аз дәрежеде CYP3A метаболизміне тәуелденеді, ал жалпы өзара әрекеттесу ықтималдығы аз. Алайда, CYP3A күшті тежегіштерімен (мысалы, ритонавир, кобицистат) бір мезгілде қолданғанда жүйелі әсерлері болуы мүмкін екенін жоққа шығаруға болмайды, сондықтан да осындай препараттарды қолдану кезінде сақтық шарасын қадағалап, тиісті мониторинг өткізу ұсынылады.
Айрықша нұсқаулар
Стероидқа тәуелді синдромы бар пациенттер: стероидқа тәуелді синдромы бар пациенттерді беклометазон дипропионаты бар ингаляторға ауыстыру және оларды кейіннен емдеу ерекше сақтануды талап етеді, өйткені стероидтармен ұзаққа созылатын жүйелі емнен туындайтын бүйрек үсті бездері қыртысының бұзылған функциясының қалпына келуі баяу жүреді. Беклометазон дипропионаты бар ингаляторды оның жүйелі стероидтардың әдеттегі демеуші дозасына қосымша қолданар алдында науқас барынша тұрақты жағдайда болуы тиіс. Бір аптадан кем емес уақыт аралығымен преднизолонның немесе оған баламалы басқа кортикостероидтардың тәуліктік дозасын 1 мг азайту арқылы жүйелі стероидты біртіндеп тоқтату шамамен 1 апта өткен соң басталады. Ұзақ уақыт кезеңі бойына жүйелі стероидтарды қабылдаған пациенттерде, сондай-ақ стероидтардың жоғары дозаларын алған пациенттерде бүйрек үсті бездері қыртысы функциясының бәсеңдеуін байқауға болады. Осындай пациенттердің бүйрек үсті бездерінің қыртысы функциясын тұрақты бақылау қажет, ал ондай жағдайларда жүйелі стероидтар дозаларын ерекше сақтықпен азайту қажет. Кейбір пациенттерде тоқтату фазасында, қанағаттанарлық жай-күйге немесе тіпті респираторлық функцияның жақсаруына қарамастан, хал-ахуалдың нашарлауын (атап айтқанда: бас ауырулары, жүрек айну, буындар мен бұлшықеттердегі жайсыздық) байқауға болады. Егер бүйрек үсті бездері қыртысы жеткіліксіздігінің жан-жақты белгілері болмаса, оларға ингалятор қолданып, жүйелі стероидтарды тоқтатуды жалғастыруға табанды түрде кеңес беру керек. Ішуге арналған кортикостероидтармен емдеуді тоқтату үдерісінде спирометриялық және клиникалық бағалау жүргізу қажет. Пациенттердің көпшілігі, осы орайда тыныс алу функциясын қанағаттанарлық күйде сақтап, Беклазон Эко Легкое дыхание ингаляторына сәтті ауыса алады, алайда, пациент жарақаттанулар, операциялар немесе инфекциялар сияқты болжанбаған жағдайлардан шығу үшін «гипофиз-бүйрек үсті бездері» жүйесінің функциясы жеткілікті қалыпқа келгенше жаңа препаратқа көшуден кейінгі алғашқы айларда пациенттердің жай-күйін ерекше мұқият қадағалау қажет.
Жаңа препаратқа көшірілген бүйрек үсті бездері қыртысының функциясы бұзылған пациенттер стресс сәтінде немесе жоспарлы операцияларда жүйелі стероидтарды қосымша қабылдау қажет екені көрсетілетін ақпараттық-сақтандыру картасын өзінде ұстауы тиіс.
Олар қажет болған жағдайда, мысалы кеуде қуысы ағзалары инфекциялық ауруларының нәтижесіндегі демікпе өршуінде қолдану үшін ішуге арналған стероидтарды өзімен бірге алып жүруі тиіс. Ондай кезеңде беклометазон дипропионатын ингаляциялау дозасын арттырып, кейіннен жүйелі стероидтарды тоқтатудан кейін демеуші дозаға дейін азайту қажет.
Бұрын шалдыққан инфекцияны көрсететін қандағы Candida преципитиндерінің деңгейі жоғары пациенттер ауыз қуысы және жұтқыншақ кандидозының (уылып кету) дамуына бейім. Барлық пациенттер ингалятор қолданудан кейін ауыз қуысын сумен шаю қажет.
Парадоксальді бронх түйілуі дамуы мүмкін, ондай жағдайларда препарат қабылдауды тоқтатып, баламалы ем тағайындау қажет.
Жүйелі стероидты емді беклометазон дипропионаты бар ингаляторға ауыстыру кейде бұрын жүйелі препарат көмегімен басылған аллергиялық ринит немесе экзема сияқты аллергия көріністерін анықтауға мүмкіндік береді. Осындай аллергия көріністерінде антигистаминдік препараттармен және/немесе жергілікті қолданылатын препараттармен симптоматикалық ем қолданылуы тиіс.
Пациенттерге препаратты өкпедегі нысаналы аймақтарға жеткізу үшін ингаляторды дұрыс пайдалану туралы нұсқау беру керек. Аэрозольді бүрку тыныс алумен синхрондалуы тиіс. Пациенттерге, тіпті симптомдары болмаса да, оңтайлы әсеріне жету үшін беклометазон дипропионаты бар ингаляторды жүйелі қолдану қажет екенін ескерту қажет. Беклазон Эко Легкое дыхание 100 микрограмм ингаляторының көмегімен емделіп жүрген пациенттерді тікелей Беклазон Эко Легкое Дыхание 250 микрограмм ингаляторының көмегімен емдеуге (1000 мкг дейінгі бірдей жиынтық тәуліктік дозасында) ауыстыруға болады. Пациенттердің көпшілігінде 1000 мкг/тәулік дозаға дейін плазмалық деңгейге немесе тәуліктік несептегі бос кортизол деңгейіне елеулі әсер болмайды. Тәулігіне 2000 мкг ингалятордағы беклометазон дипропионатын қабылдаған кейбір пациенттерде, бүйрек үсті бездерінің қысқа мерзімді қорына нұқсан келмесе де, плазмалық деңгейдің немесе тәуліктік несептегі бос кортизол деңгейінің төмендеуі көрсетілді. Пациенттердің бәрінде бүйрек үсті бездерінің бәсеңдеу қаупі емдік артықшылықтарымен салыстырмалы бағалануы тиіс, ал ұзаққа созылатын стресс оқиғаларында қосымша жүйелі стероидтар қабылдау үшін сақтану шараларын қолдану керек.
Туберкулезге шалдыққан немесе анамнезінде туберкулез бар пациенттерге ерекше көңіл бөлу қажет.
Иммуносупрессиясы бар пациенттерде жергілікті кортикостероидтар пайдаланылуын ерекше сақтықпен азайта түсу талап етіледі.
Беклометазон дипропионаты бар ингалятор жедел демікпе ұстамаларын басуға арналмаған.
Көз, ауыз немесе тыныс жолдарының вирустық, бактериялық және зеңдік инфекциясы бар пациенттерге ерекше назар аудару қажет. Тыныс жолдарының бактериялық инфекциясы жағдайында антибиотиктермен талапқа сай қатарлас емдеу қажет болуы мүмкін.
Симптомдарды жеңілдету мақсатында бронходилататорлардың, әсіресе, деммен ішке тартатын қысқа мерзімдіәсері бар b2-агонистердің дозасын арттыру демікпенің нашар бақылануына алып келеді.
Ингаляцияланған кортикостероидтарды қолданғанда, әсіресе, ұзақ уақыт бойы жоғары дозаларын қолданғанда жүйелі әсерлерін байқауға болады. Ішуге арналған кортикостероидтар қолдану кезіндегіден ондай әсерлерінің ықтималдығы анағұрлым аз. Болуы мүмкін жүйелі әсерлеріне бүйрек үсті бездері функциясының бәсеңдеуі, балалар мен жасөспірімдердегі өсу кідірісі, сүйек тіні минералдық тығыздығының төмендеуі, катаракта, глаукома, анықкөрмеу және сирек түрде психомоторлық аса жоғары белсенділікті, ұйқының бұзылуын, мазасыздықты, депрессияны немесе озбыр мінез-құлықты қоса (әсіресе, балаларда), бірқатар психологиялық немесе мінез-құлық әсерлері жатады. Сондықтан ингаляцияланған кортикостероидтар дозасын демікпенің тиімді бақылануы сақталатын ең төмен дозасына дейін титрлеу маңызды.
Ингаляцияланған кортикостероидтармен ұзақ уақыт емделетін балаларда бой өсуін жүйелі өлшеу ұсынылады. Егер өсу баяуласа, ингаляцияланған кортикостероидтар дозасын, егер бұл мүмкін болса, демікпені тиімді бақылауға болатын ең төмен дозаға дейін азайту мақсатында ем қайта қарастырылуы тиіс. Бұдан бөлек, сәбиді балалар аллергологына жолдау мәселесін қарастыру қажет.
Ұсынылатын дозаларынан едәуір асып кететін ингаляцияланған кортикостероидтардың жоғары дозаларымен ұзақ уақыт емдеу бүйрек үсті бездерінің клиникалық мәнді бәсеңдеуіне әкелуі мүмкін. Стресс кезеңдерінде немесе жоспарлы операцияларда жүйелі кортикостероидтарды қосымша қолдануды қарастыру қажет.
7 жасқа толмаған балаларға Беклазон Эко Легкое дыхание 100 мкг қолдану қарсы көрсетілімді, өйткені препаратты қолдану қауіпсіздігі мен тиімділігі туралы жеткілікті деректер жоқ.
Көру қабілетінің бұзылуы
Жүйелі және жергілікті кортикостероидтарды қолдану кезінде көру қабілетінің бұзылуы тіркелмеген. Егер пациентте көрудің бұлыңғырлануы сияқты симптомдар немесе көру қабілетінің басқа бұзылулары пайда болса, оны катаракта, глаукома немесе жүйелі және жергілікті кортикостероидтар пайдаланудан кейін хабарланған орталық серозды хориопатия (CSCR) сияқты сирек ауруларды қамтуы мүмкін болжамды себептерін бағалау үшін офтальмологқа жолдаған жөн.
Препаратты көзге түсіріп алудан сақтану қажет. Ингаляциядан кейін жуынуарқылы қабақ пен мұрын терісін зақымдап алудан сақтануға болады.
Баллон қысымда болады, тіпті ол бос болғанның өзінде жағуға, тесуге немесе сындыруға тыйым салынған.
Енді қажет болмайтын дәрілік заттарды ағынды суларға немесе қалалық құбыр жолына ағызып жіберумен жоюға болмайды. Баллонды дәріханаға қайтарыңыз немесе ұлттық ережелерге сәйкес пайдаланылған баллонмен не істеуге болатынын өз фармацевтіңізбен кеңесіңіз. Бұл шаралар қоршаған ортаны қорғауға ықпал етуі мүмкін.
Кез келген пайдаланылмаған медициналық өнімді немесе қалдықтарды жергілікті талаптарға сәйкес жою қажет.
Жүктілік және лактация кезеңі
Препаратты жүкті және бала емізетін әйелдерде қолдану туралы жеткілікті деректер жоқ, сондықтан оны сақтықпен және тек оны қолданудың болжамды пайдасы ықтималды қаупінен асып түсетін жағдайда ғана қолдану керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Беклазон Эко Легкое дыхание автокөлікті басқару және механизмдермен жұмыс істеу қабілетіне әсер етпейді немесе болымсыз әсер етеді.
Ингаляторды пайдалану жөнінде пациентке арналған нұсқаулық
Ингалятордың қақпағын ашып, тік қалпында ұстаңыз. Терең дем алыңыз. Мүштекті еріндеріңізбен тығыз көмкеріңіз. Өз қолыңыздың ингалятордың жоғарғы жағындағы желдеткіш саңылауын бітемейтініне және Сіздің ингаляторды тік қалыпта ұстап тұрғанына көз жеткізіңіз. Мүштек арқылы барынша баяу дем алыңыз. Дем алуды 10 секунд немесе Сізге қанша ыңғайлы болса, сонша уақыт кідіртіңіз. Сосын ауыз қуысынан ингаляторды алып, баяу дем шығарыңыз. Қолданудан кейін ингаляторды тік қалыпта ұстауды жалғастырыңыз. Қақпағын жабыңыз. Егер Сізге бір ингаляциядан көп жасау керек болса, қақпақты жауып, кем дегенде, бір минут күте тұрыңыз, ал артынан ингаляция үдерісін қайталаңыз.
Ингаляторды тазалау
Ингалятордың жоғарғы бөлігін бұрап босатыңыз. Метал баллондышығарып алыңыз. Ингалятордың төменгі бөлігін жылы суда шайып, кептіріңіз. Баллонды орнына қойыңыз. Қақпағын жауып, ингалятордың жоғарғы бөлігін оның корпусына бұрап бекітіңіз. Ингалятордың жоғарғы бөлігін жумаңыз. Егер ингалятор дұрыс жұмыс істемесе, оның жоғарғы бөлігін бұрап босатыңыз да, баллонды қолмен қысыңыз.
Артық дозалануы
Препараттың жедел артық дозалануы бүйрек үсті бездері қыртысы функциясынуақытшатөмендетуі мүмкін,олшұғылемдеудіталап етпейді,өйткені бүйрек үсті бездері қыртысының функциясы бірнеше күн ішінде қалпына келеді, ол плазмадағы кортизол деңгейімен расталады. Созылмалы артық дозалануда бүйрек үсті бездерінің қыртысының функциясы тұрақты бәсеңдеуі мүмкін. Осындай жағдайларда бүйрек үсті бездері қыртысының қосымша қор функциясына мониторинг өткізу ұсынылады. Артық дозалану кезінде беклометазон дипропионатымен емдеуді емдік әсерді демеуге жеткілікті дозаларда жалғастыруға болады.
Шығарылу түрі және қаптамасы
Қысыммен толтырылған алюминий баллонда 200 доза препараттан.
Белсенді тыныс алумен іске қосылатын ингалятормен және медициналық қолдану жөніндегі мемлекеттік және орыс тілдеріндегі нұсқаулықпен бірге 1 баллоннан картон қорапшаға салынады.
Сақтау шарттары
250С-ден аспайтын температурада сақтау керек.
Мұздатып қатыруға болмайды.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін препаратты қолдануға болмайды.
Дәріханалардан босатылу шарттары
Рецепт арқылы
Өндіруші
«Norton Waterford»,Unit 27/35 IDA Industrial Park, Cork Road,
Waterford, Ирландия
Тіркеу куәлігі иесі
«Теva Pharmaceutical Industries Ltd», Израиль
Қаптаушы ұйымның атауы мен елі
«Norton Waterford»,Unit 27/35 IDA Industrial Park, Cork Road,
Waterford, Ирландия
Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның атауы,мекенжайы және байланыс деректері:
«ратиофарм Қазақстан» ЖШС
050059 (А15Е2Р) Қазақстан Республикасы
Алматы қ., Әл Фараби д-лы 17/1,
«Нұрлы тау» БО, 5Б корпус, 6 қабат
Телефон: (727) 325-16-15
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері:
«ратиофарм Қазақстан» ЖШС
050059 (А15Е2Р) Қазақстан Республикасы
Алматы қ., Әл Фараби д-лы 17/1,
«Нұрлы тау» БО, 5Б корпус, 6 қабат
Тел., факс: (727) 325-16-42
Ұялы: +7 (701) 924 03 68
Е-mail: safety.kazakhstan@tevapharm.com
