Повидон-йод 10% д/наруж применения 30 мл раствор
Тауарлардың көрінісі фотосуретте көрсетілгеннен өзгеше болуы мүмкін

Повидон-йод 10% д/наруж применения 30 мл раствор

Қолжетімділігі
Тауар қолда жоқ
Үлгі
4870201590022
Елі
Казахстан
Өндіруші
Медоптик ТОО
  • Сипаттама

Сипаттама

Дәрілік препаратты медициналық қолдану жөніндегі нұсқаулық

Cаудалық атауы

Повидон - йод

Халықаралық патенттелмеген атауы

Жоқ

Дәрілік түрі, дозасы

Сыртқа қолдануға арналған ерітінді, 10 %

Фармакотерапиялық тобы

Дерматология. Антисептиктер және дезинфекциялайтын препараттар. Йод препараттары. Повидон-Йод.

АТХ коды D08AG02

Қолданылуы

- биопсия, инъекциялар, пункциялар, қан алу және қан құю, инфузиялық ем алдында теріні дезинфекциялауда

- тері мен шырышты қабаттарды антисептикалық өңдеуде, мысалы, хирургиялық операциялар алдында

- жарақаттарды асептикалық өңдеуде

- терінің бактериялық және зеңдік инфекцияларында

- теріні операция алдында толық немесе ішінара дезинфекциялауда (пациентті операция алдындағы дезинфекциялық дайындау, «дезинфекциялайтын ванналар»)

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- йодқа немесепрепараттың басқакомпоненттеріне жоғары сезімталдық

-гипертиреоз

-қалқанша бездің басқа да жедел аурулары

-жүректің қалпына келмейтін жеткіліксіздігі

- радиоактивті йодты бір мезгілде қолдану

- Дюрингтіңгерпес түріндегі дерматиті

- жүктілік жәнелактация кезеңі

- 6 жасқа дейінгі балаларға

Қолдану кезінде қажетті сақтық шаралары

Препарат бауыр жеткіліксіздігімен пациенттерде сақтықпен қолданылады.

Басқа дәрілік препараттармен өзара әрекеттесуі

Повидон-йод кешені pH 2.0 – 7.0 аралығындатиімді. Препарат ақуыздармен және басқа қанықпаған органикалық кешендермен реакцияға түсуі мүмкін, ол оның тиімділігінің төмендеуіне әкеледі.

Жараларды өңдеу үшін Повидон-йод препаратын және ферментті препараттарды бір мезгілде қолданутиімділігінің өзара төмендеуіне әкеледі. Құрамында сынап, күміс, сутегінің асқын тотығы және тауролидин бар препараттар повидон-йодпен өзара әрекеттесуі мүмкін, соған байланысты оларды бір мезгілде қолдану ұсынылмайды.

ПВП-йод кешені сондай-ақ тотықсыздандыратын дәрілермен, құрамында сілтілі металлдардың тұздары барпрепараттармен және қышқылдармен әрекеттесетін заттармен үйлесімсіз.

Повидон-йодты терінің сол жерлерінде немесе көрші бөліктеріндеқұрамында октенидин бар антисептиктермен бір мезгілде немесе дереу оларды қолданғаннан кейін қолдану, өңделген беткейде қоңыр дақтардың пайда болуына әкелуі мүмкін.

Повидон-йодтың тотықтыратын әсеріәртүрлі диагностикалық тестілерде (мысалы, толуидин мен гваяк шайырын қолданумен нәжіс пен несепте гемоглобин мен глюкозаны анықтау) жалған оң нәтижелерге әкелуі мүмкін.

Повидон йодты құрамында литий бар препараттарды қабылдайтын пациенттерде жүйелі түрде қолдануға болмайды, өйткені йодтың көп мөлшерде сіңуі мүмкін, әсіресе повидон йодтың елеулі мөлшерін пайдаланған кезде немесе препараттыдененің үлкен беткейіне жаққан кезде.

Повидон-йод ерітіндісіненйодтың сіңуі қалқанша бездіңфункционалдықтестілері нәтижесін өзгертуі мүмкін.

ПВП-йодты қолдануқалқанша бездің йодтысіңіруін төмендетуі мүмкін, ол кейбір тексерулер мен емшаралар (қалқанша бездіңсцинтиграфиясы, ақуызбен байланысқанйодты анықтау, радиоактивті йодты қолданумен диагностикалық емшаралар) нәтижесіне әсер етуі мүмкін, осыған байланысты қалқанша без ауруларын йод препараттарымен емдеуді жоспарлау мүмкін болмауы ықтимал. ПВП-йодты қабылдауды тоқтатқаннан кейін келесі сцинтиграфия жасағанға дейін белгілі уақыт аралығын сақтау керек.

Арнайы сақтандырулар

Пациентті операция алдындағы дайындау кезінде пациенттің астында ерітіндінің артық бөлігі жиналып қалмауын қадағалау қажет. Ерітіндімен ұзақ уақыт жанасу терінің тітіркенуін, ал сирек жағдайларда– тері тарапынан ауырреакцияларды туғызуы мүмкін. Пациенттің астында ерітіндінің жиналып қалуы химиялық күйікке ұшыратуы мүмкін. Тері тітіркенгенде, жанаспалы дерматитте (тітіркендіргіш затпен жанасудан туындаған күйдіру сезімімен және қышытатын бөртпемен қатар жүретін)немесе жоғары сезімталдықта препаратты тоқтату керек.

Препаратты қолданар алдында қыздыруға болмайды.

Зоб, қалқанша бездің түйінді өзгерістері және басқа дақалқанша бездіңжедел аурулары бар пациенттер йодтың үлкен мөлшерін қабылдағанда гипертиреоз дамуының жоғары қаупі бар. Пациенттердің осы тобында бірдей көрсетілімдердің болмауына байланысты повидон-йод ерітіндісін терінің үлкен беткейлеріне және ұзақ уақыт ішінде қолдануға болмайды. Осындай пациенттерді гипертиреоздың ерте белгілерін анықтау үшін бақылауға алу керек және тіпті препаратты қолдануды тоқтатқаннан кейін де, қажет болғанда қалқанша без функциясын да бақылау керек.

Повидон-йодты радиоактивті йодты қолданумен сцинтиграфияға дейін және кейін немесе қалқанша без карциномасын радиоактивті йодпен емдегеннен кейін қолдануға болмайды.

Ерітіндіні орофарингеальді қолданғандаповидон-йодтың тыныс жолдарына түсуінен сақтану керек, өйткенібұл пневмонит туындатуы мүмкін. Бұл әсіресе интубацияланған пациенттерде маңызды.

Педиатрияда қолданылуы

Жаңа туған нәрестелер мен кіші жастағы балаларда йодтың көп мөлшерін қолданғанда гипотиреоздың даму қаупі жоғары. Балаларда осы жаста йодқа жоғары сезімталдық және терінің жоғары өткізгіштігіболатындықтан,осы жас тобындағы балаларда ПВП йоды өте аз қолданылуы тиіс.Қажет болғанда дәрігер қалқанша бездің (T4 және тиреотропты гормондардың /TТГ/деңгейін)функциясын бақылайды. Повидон-йодтың балалардың ауызына түсуінің кез келгенықтималдығынанқатаң сақтану керек.

Ерітіндінің күңгірт-қызыл түсі оның тиімділігін көрсетеді. Ерітіндінің түссізденуі оның микробқа қарсы қасиеттерінің нашарлауын білдіреді. Ерітіндінің деградациясы жарықта және40оС-ден жоғары температурада жүреді. Препараттың көзге түсіп кетуінен сақ болған жөн.

Жүктілік немесе лактация кезінде

Жүктілік

Препаратты жүктілік кезінде, сондай-ақ емшек емізу кезеңінде қатаң көрсетілімдер бойынша ғанақолдануға болады, бұл кездепрепараттың барынша ең аз мөлшерін қолдану қажет. Осындай жағдайларда препаратты тек қысқа мерзімде қолдануға болады.

Емшек емізу

Йод плаценталық бөгет арқылы өтетіндіктен және емшек сүтіне бөлінетіндіктен, сондай-ақ шарана мен жаңа туған баланың йодқа жоғары сезімталдығына байланысты, жүктілік және емшек емізу кезінде повидон-йодты айтарлықтай мөлшерде қолдануға болмайды. Бұдан басқа, йод қан плазмасындағы деңгейінен жоғарылай отырып, емшек сүтінде концентрацияланады. Шарана мен жаңа туған нәрестеде повидон-йод тиреотроптыгормон (TТГ) деңгейін жоғарылатумен өтпелі гипотиреозды туындатуы мүмкін. Баланыңқалқанша безінің функциясын мұқият бақылау қажеттілігі туындауымүмкін.

Повидон-йодтың балалардың ауызына түсуінің кез келгенықтималдығынанқатаң сақтану керек.

Фертильділік

Деректер жоқ.

Дәрілік заттың көлік құралын және қауіптілігі зор механизмдердібасқару қабілетіне әсер ету ерекшеліктері

Повидон-йод көлік құралдарын басқаруға және қозғалыстағы механизмдермен жұмыс істеу қабілетіне әсер етпейді.

Қолдану жөніндегі нұсқаулар

Дозалау режимі

Повидон-йод ерітіндісі сұйылтылған және сұйылтылмаған түрінде сыртқа қолдануға арналған. Препаратты ыстық сумен сұйылтуға болмайды. Ерітіндіні дене температурасына дейін қысқа мерзімді қыздыруға жол беріледі. Ерітіндіні ішке қабылдауға болмайды! Теріні операция алдында өңдегенде науқастың астында артық ерітіндінің қалмағанын тексеру керек (теріні тітіркендіру мүмкіндігіне байланысты).

Ерітіндіні қажетті мөлшерде ылғалды жабын түрінде беткейге жағады,экспозициясы 2 минуттан кем болмау керек. Хирургияқызметкерлерінің қолын өңдеу үшін 5 мл ерітіндіні 5 минут бойы алақанмен шынтаққа дейін сүртеді, одан кейін мұқият шаяды; емшараны екі рет қайталайды.

Жараларды, шырышты қабықтарды өңдеу үшін, хирургияда,травматологияда, комбустиологияда,стоматологияда жарақатинфекцияларының профилактикасында және емдеу үшін 1:10 қатынаста ерітілген Повидон-Йод ерітіндісін қолданады.

Ерітіндіні тікелей қолданар алдында сұйылту керек.

Ауызды және тамақты шаю үшінсұйылтылған ерітіндінідайындау: 1/2 немесе 1 шай қасық ерітіндіні 100 мл қайнаған суға (18° С жуық) сұйылту керек.

Артық дозаланған жағдайда қолданылуы қажет шаралар

Сыртқа және интравагинальдіқолданғанда артық дозалану жағдайлары байқалған жоқ, өйткені жүйелі сіңуі болмайды.

Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар

Бүкіл қосымша парақты мұқият оқып шығыңыз. Егер Сізге дәрілік препаратты қолдану тәсілі түсініксіз болса, медицина қызметкерінің кеңесіне жүгінуді ұсынамыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі:

- йодқа аллергиялық реакция (қышыну, гиперемия, есекжем)

- сирекаппликация орнындағы қысқа мерзімдік күйдіру сезімі немесе ауыз қуысындағы құрғақтық сезімі

-гипотиреоз (Повидон-йод көп мөлшерін қолданғаннан кейін немесе ұзақ уақыт қолданғаннан кейін)

- операцияға дайындаған кезде пациенттің астында ерітіндінің артығы жиналуы себебінентерінің химиялық күюі,

Повидон-йод көп мөлшерде қолданғаннан кейін (мысалы, күйіктерді емдеуде)):

- электролиттік теңгерімнің бұзылуы

- метаболизмдік ацидоз

- жедел бүйрек жеткіліксіздігі

-қанның осмолярлығының өзгеруі

Сирек:

-жоғары сезімталдық

-жанаспалы дерматит (эритема, терідегі шағын сулы бөртпелер, қышыну секілді симптомдармен)

Өте сирек:

-анафилаксиялық реакция

-гипертиреоз (кейде тахикардия және мазасыздық секілдісимптомдармен қатар жүретін). Анамнезде қалқанша без ауруларымен пациенттерде Повидон-йодпрепаратын көп мөлшерде қолданғаннан кейін (мысалы, терінің ауқымды беткейінде жаралар мен күйіктерді өңдеу үшінповидон-йод ерітіндісінұзақ уақыт қабылдағаннан кейін)

-ангионевроздық ісіну

- йодизм (ауызда металл тату, сілекей бөлінуінің артуы, көз немесе көмейдің ісінуі)

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса,дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ

http://www.ndda.kz

Қосымша мәліметтер

Дәрілік препараттың құрамы

100 млпрепараттың құрамында

белсенді зат – 10000.00 мг повидон-йод

(белсенді йодқа қайта шаққанда – 1000.0 мг)

қосымша зат: тазартылған су 100.0 мл-ге дейін

Сыртқы түрінің, иісінің, дәмінің сипаттамасы

Қара-қоңыр, иіссіз немесе йодтың әлсіз иісі бар тұтқыр сұйықтық. Кез келген ара-қатынаста сумен араласады.

Шығарылу түрі және қаптамасы

30 мл, 50 мл, 100 мл, 1000 мл-ден алғашқы ашылуы бақыланатын қақпақпен немесе тамшылатқыш-қақпақпен немесе механикалық сорғысыменполимер материалдан жасалған шашыратқышы бар қақпақпен жабылған полимер материалдан жасалған контейнерде немесе құтыда.

1 құтыдан немесе контейнерден (көлемі 1000 мл-ден басқа) медициналық қолдану жөніндегі қазақ және орыс тіліндегі нұсқаулықпен біргеқораптық картоннан жасалған қорапшаға салынады.

Құтылар немесе екінші қаптамасыз контейнерлер санына сәйкес медициналық қолдану жөніндегі қазақ және орыс тіліндегі нұсқаулықпен бірге қораптық немесе гофрланған картоннан жасалған қорапқа салынған.

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Сақтау шарттары

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Ішуге болмайды!

Дәріханалардан босатылу шарттары

Рецептісіз.

Өндіруші туралы мәліметтер

«ТК Фарм Ақтөбе» ЖШС, ҚР, Ақтөбе обл., Ақтөбе қ-сы, Астана ауд., Шестихатка а., Шестихатка т.а., ғимарат № 467, тел.: 8 (7132) 21 72 15

Электронды поштасы:dir-tkpharm@mail.ru

Тіркеу куәлігінің ұстаушысы

«ТК Фарм Ақтөбе» ЖШС, ҚР, Ақтөбе обл., Ақтөбе қ-сы, Астана ауд., Шестихатка а., Шестихатка т.а., ғимарат № 467, тел.: 8 (7132) 21 72 15

Электронды поштасы:dir-tkpharm@mail.ru

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«ТК Фарм Ақтөбе» ЖШС, ҚР, Ақтөбе обл., Ақтөбе қ-сы, Астана ауд., Шестихатка а., Шестихатка т.а., ғимарат № 467, тел.: 8 (7132) 21 72 15

Электронды поштасы: dir-tkpharm@mail.ru